كنت في حالة روحانية مش عايز أقرب من حد.. عمر كمال يرد على دفعه لراقصة

رد مطرب المهرجانات عمر كمال على دفعه لراقصة خلال أحد الحفلات، وذلك في لقاء له مع الإعلامي العراقي نزار الفارس.

تحيا مصر يرصد رد عمر كمال على دفعه لراقصة.

تصريحات عمر كمال 

قال عمر كمال: اللمس مش بيكسر الوضوء.. كنت في حالة روحانية يومها وكانت الحفلة بدري وورايا فرض تاني.. ساعات الواحد بيمر عليه فترة يكون مواظب جدا على الصلاة وعندي حالة إيمانية فمش عايز اروح أسهر في مكان مش عايز أغني جمب رقاصة أو أقرب من حد..

عمر كمال يطرح أحدث أغانيه

من جانبه، طرح عمر كمال أغنية يا بيبي من: كلمات: عمرو قطب ، آلحان: خالد سلطان و ليد سمارة ، توزيع: اسلام شيبسي، ميكس وماستر: محمد جوده.

كلمات الأغنية

نداء خاص 
ماتميزوش الناس بعنيكوا
وانتوا عبر الدنيا فيكوا
إحنا مخلقناش ربنا علي مزاجكوا
ولا علشان نعجب أهاليكوا     
أنا أسفه..  يابيبييييي

احنا ركبنا وعدينا 
بشقانا وجري إيدينا
وبنتدلع من جبنا ومفيش
حد خير علينا

طبع العنتظه مش فينا
بس وجاهه ويكفينا
لينا طله ولينا حضور
وقبول ربنا مدينا

بتعيدوا ليه وتزيدوا ليه  وبتحرقوا
انا فوق وصوتكوا مش واصلي زعقوا
هو انا تعباكم للدرجه دي  ليه اوي 
وكل ما تيجي سيرتي قصلدكم تقلقوا

وانتوا لسه رايحين
كنا إحنا لسه راجعين
لو دا اخركوا ماتشدوا حيلكوا 
عايزين نشوف منافسين

نعيش ونرمي وانتوا
اللي بيقع تلموا
مبقاش بتاعنا مدام شبعنا
عادي غيرنا ياخدوا

الي بعض السمويات 
المقهورين المضغوطين اللي قاتلهم القهر
ياحياتي see you

يابصاصه ياحساده 
يامفروسه يامنكاده 
موتي بغلك وغيري مني
أنا بعلا وفي زياده

كلامك كله غيظ مني
في ودني مهما هتزني  
انا اصلا لا سمعاكي 
ولا كلامك بيشغلني

لا فلوس ع الأرض لاقينا
ولا روحنا لناس تدينا 
خدناها ع السلم جري 
لحد ماكبرت أسامينا

في اساسنا سنين عالينا
شرقها غربها لفينا
لا اتشعبطنا علي كتاف 
ولا ناس كسرولنا عنينا

بتعيدوا ليه وتزيدوا ليه  وبتحرقوا
انا فوق وصوتكوا مش واصلي زعقوا
هو انا تعباكم للدرجه دي  ليه اوي 
وعملالكوا صداع جامد ومني بتقلقوا

وانتوا لسه رايحين
كنا إحنا لسه راجعين
لو دا اخركوا ماتشدوا حيلكوا 
عايزين نشوف منافسين

نعيش ونرمي وانتوا
اللي بيقع تلموا
مبقاش بتاعنا مدام شبعنا
عادي غيرنا ياخدوا

بقولك إيه .. ؟!!
ياللي خدت الإكس ودايبه في دباديبو
انا اللي بيقع مني مابوطيش واجيبه

انا الابره وانا الشكه
وانا اللي بجمد الفكه
وطول منا لسه في الملعب
هتفضلي قاعده ع الدكه

تجيبي ف سيرتي ماتجيبي
في تاج راسك اوي عيبي
إنسي تعدي تصنيفي
رقم واحد دا ترتيبي