كاريزمتي طاغية ومفيش كرامة بين الزوجين.. أبرز تصريحات ياسمين عز اليوم

عادت المذيعة ياسمين عز مرة أخرى ببرنامجها كلام الناس في موسم جديد، وحرصت في أولى الحلقات اليوم على الترحيب بمشاهدينها وكشف تفاصيل حلقتها ببرنامج رامز نيفر إند، وفي ذلك التقرير سيرصد موقع تحيا مصر أبرز تصريحاتها في الحلقة.

أبرز تصريحات ياسمين عز

• وحشتيني يا مدام.. وحشتيني يا نن بؤبؤ عين قلبي من جوا، بس وحشتني حماتك وأخت جوزك أكتر
• لن أتراجع ومش هتغير ومش هغير موقفي تحت أي ظروف، وهفضل أقول مفيش حاجة اسمها كرامة بين الراجل ومراته
• مفيش حاجة اسمها عشان أنا ست أقف جمب ست كدا عمياني ظالمة ولا مظلومة، والأصح أننا نقف مع الحق
• الحمد لله أنا بنام طفلة بريئة هانئة ضميري مرتاح عشان بدعو للسكينة والتقدير والمودة
• رامز جلال فرعون ملعون منشق عن القبيلة وحلقتي معاه كانت للتاريخ
• أنا اتفرجت معاكم وشوفت نفسي وأنا داخلة.. كاريزما قاتلة طاغية.. اللي عنده كاريزما أحسن من اللي عنده فلوس
• يا جماعة أنا اترش في وشي طفاية حريق وفضل وشي بدر بيلمع سبحانك يارب متغيرتش
• شوفت تعليقاتكم وكلامكم عن الحلقة ودا المتوقع ودا العادي 
• لو أطول كنت روحت حلقتي في برنامج رامز بتاج عشان أنا أميرة لأني بحترم الفرعون
• أنا مش هحلف أني مكنتش عارفة بمقلب رامز لأنه واضح من شخصيتي ولو أعرف مكنتش روحت
• وأنا مش زعلانة من رامز ومسمحاه من كل قلبي، الفرعون يعمل اللي هو عايزه

رسالة ياسمين عز الغامضة

وسبق وأن وجهت الإعلامية ياسمين عز رسالة غامضة، وذلك في ستوري نشرتها عبر حسابها الشخصي بموقع تبادل الصور والفيديوهات انستجرام.

وكتبت ياسمين عز في ستوري: بحب أوي الدعسوقة، التي لا تتصرف كـ عبدة أو مملوكة، على الأقل كان ليهم سعر في سوق عكاظ، بل تتصرف برخص كـ خرابة بيوت أو ببلاش كـ خطافة أزواج في السن.

وتابعت ياسمين عز: بحب أوي المسترجلة، اللي على راسها بطحة وعايزة تستخدم كلمة مظلوم كصفة، في حين أن استخدامها وإعرابها، كـ اسم أحلى وأوقع، تقل الاسم بيخوف، بكرة الحصة الجاية عندنا مجموعة من الأسماء هنعرفها، كلنا مع بعض، غدًا قصائد شتوية وجرائد صيفية.