حورية فرغلي: نزار الفارس عرض على المساعد بتاعي رشوة عشان يقول إننا مخطوبين

أعربت الفنانة حورية فرغلي عن آسفها الشديد، لسامحها بدخول المذيع العراقي نزار الفارس منزلها، لإجراء لقائًا تليفزيونيًا معهًا.

تحيا مصر يرصد في ذلك التقرير تصريحات حورية فرغلي مع أميرة بدر

حورية فرغلي عن نزار الفارس: انا غلطانة إني دخلته بيتي ومعاشرتهوش

وقالت حورية فرغلي خلال مداخلتها مع الإعلامية أميرة بدر في برنامج “ملفات” على شاشة قناة “هي”: أنا آسفة وأنا غلطانة أني دخلته بيتي وأنا معاشرتوش، وهوجاي عايز يعمل تريند، وده حتى كلم أشرف المساعد بتاعي وعرض عليه فلوس عشان يقول أننا اتخطبنا فعلا.

واستكملت حورية فرغلي حديثها: هو بيحب حورية لدرجة الجنون يعني يا حرام.. أقعد أحلم أنك تتجوز حورية، يعني إزاي يقول اتخطبنا المفروض في فستان وأهل وورد وحضور.

حورية فرغلي: كان بيسألني أسئلة جريئة 

وأضافت حورية فرغلي: أول مرة في حياتي أتعرض لحاجة كدا الشغل الأول كان بيخلي عندي كذا حاجة ومشغولة ، لكن دلوقت معنديش شغل، الأسئلة كانت أوفر، وسألني على فيلم كلمني شكرَا ومشاهدي الجريئة فيها عملتها غصب عني ولا بمزاجي، قولتله أستاذ خالد يوسف مبيخليش حد يعمل حاجة غصب عنه، وسألني عن عمري عملت عن المثلية الجنسية؟، فقولت أني اصلًا معملتش دور جنسية مثلية إلا مشهد دقيقة في فيلم كان مع الأستاذة ليلى علوي.

حورية فرغلي وجدل خطوبتها

وكانت قد أثارت حورية فرغلي الجدل في الساعات القليلة وذلك إعلان نزار الفارس خطوبتهما، الأمر الذي جعلها تغضب وترد عليه، قائلة: البرنامج ده بيكلموني من اسبوع وبيقولوا استاذ نزار عايز  يقعد معايا وكنت أول مرة في حياتي اشوفه امبارح وفتحتلهم بيتي والمصورين والاضاءة والصوت، أنا قاعدة مع مامتي وأول ما دخل قعد قالي انتي بتحبي ماجد المهندس قالي تحبي ترقصي على الأغنية واتصوروا عادي وكنت بجامله عادي وبرحب بيه وهو من دخل بيصور فيديوهات.

وتابعت حديثها: كنا بنعمل الفيديو هزار وهو عمل الكلام ده واحنا بنهزر مش بنصور، وأنا دلوقتي قررت مش هعمل أي لقاء مع أي صحفي أنا فتحت بيتي ورحب بيه وكنت تعبانة وعملت معاك اللقاء ليه تعمل فيا كده.