البلوجر سارة محمد تكشف عن غدر صديقها عمرو: طلب من الفيسبوك إزالتي من صفحتي

كشفت البلوجر سارة محمد عن أذية صديقها عمرو لها وغدره بها خلال أزمتها الصحية، حيث كانت تعرضت لحادث سير أفقدها نظرها.

تحيا مصر يرصد تصريحات سارة محمد عن صديقها عمرو.

أذية عمرو صديقة سارة 

كتبت سارة محمد عبر حسابها الرسمي بموقع التواصل الاجتماعي فيسبوك: انا ياجماعه عمري ما ظلمت حد ولا كنت ناكرة جميل انا ها استكفي بدى بس وعندى حاجات اكتر بكتير وكنت ساكته علشان العيش والملح.. شوفو انتم و الحكم لحضرتكم دى صفحتى اللى كانت مع عمرو امانه طلب من ادراة الفيس بوك ازالتي من صفحتي يا جماعه  الاسكرينه دى من شهر رمضان قبل ما يغير صورة بروفايله وكنت ساكته وهو بس اللى كان ادمن معايا بحكم ان تليفونى كان معاه.

عمرو صديق سارة يزيلها من صفحتها

وتابعت: الصفحه حاول من شهر رمضان ياخدها وكنت ساكته علشان العيش والملح وفيه ناس موجوده هما اللى رجعولى الصفحه ومكالماتى مع خاله موجوده  وهو بيحاول معاه يرجع لى صفحتى كمان وحساب التيك توك.. وسكت اكراما لخاله ولوقفته معايا كل الوقت ده ومحاولتش احتك بيه ما خرجتش دلوقت غير لمه هو بدء يهاجمني بدون سبب.

سارة محمد تعلن خطبتها

من جانبه، أعلنت سارة محمد خطبتها عبر حسابها الرسمي قائلة: "الحمدلله الذي بنعمته تتم الصالحات صاحب العمر وأول شخص أتقدم لي في حياتي والظروف بعدتنا والحادثة جمعتنا وعوض ربنا ليا خلاص قرينا الفاتحة".

وقالت البلوجر سارة محمد: محدش يحاول يبعت فلوس لأي رقم لأن أنا بيتم استغلالي ماديًا، ومفيش جنيه بيوصلني من حد، ومش محتاجة تبرعات من حد، أنا لما أحتاج حاجة أو لو في عملية هتنجح في وقتها أنا هطلع وهقول إني محتاجة، لكن أنا حاليا مش محتاجة حاجة ومفيش حاجة بتوصل لي.

وتابعت سارة وهي تسأل البلوجر عمر: أنت شايفني مجنونة، في ناس كتير بتحاول تطلعني مجنونة، لكن أنا هنا عشان أشارك معاكم فرحي وحزني اطمنكم عليا وعلى علاجي، وأنا بكامل قوايا العقلية، وأنا عارفة انكم تقدروا تحموني.

وقال البلوجر عمر حسين، معلقًا على الفيديو عبر صفحته الشخصية بموقع إنستجرام: رغم مقابلتي لسارة مرة واحدة من شهور إلا أنها أحبت النهاردة تظهر معايا عشان توصلكم الرساله دي.. البنت الطيبة الجميلة دي بعد الحادثة اللي فقدت فيها بصرها بشكل كامل، تم نشر حالتها على السوشيال ميديا بشكل كبير ومع التعاطف الكبير من كل الناس انهالت المساعدات من أصحاب الخير من دول الخليج ومن داخل مصر.

وتابع عمر: المساعدات دي بمبالغ يصعب حصرها لكن لكم أن تتخيلوا عددها لأنها فعلا مهولة بشكل لا يصدق.. ربنا يجازي أصحاب الخير ده مبدئيا.. لكن اللي سارة اكتشفته أنه تم استغلال حالتها دي بدون علمها وإن المبالغ دي بتتاخد من الناس بدون وجه حق لأنها مش في احتياج ليها.

وأضاف عمر حسين: ‎الدائرة المقربة لسارة بدون ذكر أسماء وده طلب منها شخصيا قبلت إنها تستعطف الناس بمرضها وحالتها لكسب مزيد من الفلوس، ولحد ما في يوم من الأيام اكتشفت ساره الكارثة دي، ولما رفضت تم تهديدها إنها هتتاخد وتتحط في مستشفي الأمراض العقلية.