نزار الفارس عن حورية فرغلي: قالتلي انا كبرت في السن محدش هيتجوزني فعرضت عليها الخطوبة ووافقت

خرج الإعلامي العراقي نزار الفارس للرد على تصريحات الفنانة حورية فرغلي الأخيرة بشأن عدم خطوبتها عليه بعد أن نشره الأول بين وسائل الإعلام.

تحيا مصر يرصد في ذلك التقرير تصريحات نزار الفارس عن خطوبته من حورية فرغلي

نزار الفارس: حورية فرغلي كانت منكسرة وزعلانة أن محدش بيحبها فعرضت عليها الجواز

قال نزار الفار في فيديو نشره عبر حسابه الرسمي بموقع تبادل الصور والفيديوهات انستجرام من خلال خاصية ستوري: اللي حصل أننا كنا في البرنامج وحورية كانت بتقولي أنا كبرت في السن وعمليات التجميل وده كله مش هتخلي حد يحبني ويتجوزني ومستعد أتجوز مرة تانية، فقولتلها لا طبعا لو عرضت عليكي الجواز دلوقتي على الهواء تقبلي تتجوزيني، فرحت جدا وقالت موافقة وقمنا رقصنا سوا وكنا المفروض هتتقابل تاني.

نزار الفارس: مستغرب انها تطلع وتقول إنه مش حقيقي وهو استغلني

وتابع حديثه قائلا: استغربت أما حورية فرغلي طلعت قالت أن خطوبتنا مش حقيقي واستغلني.. هي كانت منكسرة وبتقول محدش راضي يتجوزني قولتلها انتي فنانة جميلة وانا عراقي وبطلب ايديك على الهواء ووافقت وقومنا رقصنا واتصورنا وكانت فرحانة وسعيدة.

حورية فرغلي تنفي خطوبتها على نزار الفارس 

وكانت قد أعربت حورية فرغلي عن صدمتها من أنباء خطوبتها على نزار الفارس، فقالت: أنا بجد بقيت اخاف من الناس فعلا، البرنامج ده بيكلموني من اسبوع وبيقولوا استاذ نزار عايز  يقعد معايا وكنت أول مرة في حياتي اشوفه امبارح وفتحتلهم بيتي والمصورين والاضاءة والصوت، أنا قاعدة مع مامتي وأول ما دخل قعد قالي انتي بتحبي ماجد المهندس قالي تحبي ترقصي على الأغنية واتصوروا عادي وكنت بجامله عادي وبرحب بيه وهو من دخل بيصور فيديوهات.

وتابعت حديثها: كنا بنعمل الفيديو هزار وهو عمل الكلام ده واحنا بنهزر مش بنصور، وأنا دلوقتي قررت مش هعمل أي لقاء مع أي صحفي أنا فتحت بيتي ورحب بيه وكنت تعبانة وعملت معاك اللقاء ليه تعمل فيا كده.

وأضافت: لو اتجوزت مصر كلها هتعرف عشان هبقى فخورة وأنا مش هتجوز دلوقتي ولا في حد في حياتي، يعني ايه تعمل كده مش من حقك تقول طب اسالني تتجوزني ولا وتروح تكتب في كل المواقع انا اتجوزت حورية فرغلي.