مربيها على إيدي.. إعترافات قاتل عروسة الجيزة: أنا أولى بجسمها من الغريب

إعترافات مثيرة أدلى بها المتهم بقتل عروس إمبابة في الجيزة، وذلك بعد مرور شهر ونصف على زواجها، حيث برر إرتكابه جريمة قتل المجني عليها بسبب رفضها معاشرته وهو ما أثار غضبه وقام بإنهاء حياتها.

جوزي بـ قرون.. زوجة تصرخ: عايزني ألبس عريان وأرقص على اليوتيوب|فيديو

جوزي جه.. قفز من البلكونة هاربا من زوج عشيقته في الهانوفيل

إعترافات قاتل عروسة إمبابة

وقال المتهم في إعترافاته أمام جهات التحقيق في الجيزة «أنا كنت قريب أوي ليها من وهي صغيرة، وعلى الرغم من فرق السن بيني وبينها، لكن والدتي ياما رضعت أختها الكبيرة اللي في سني، فهي كانت بمثابة أختي في الرضاعة، وكنت على طول مهتم بيها وبأحوالها، وأسرارها كانت معايا أنا، لحد ما أتجوزت جوزها الأول».

وتابع المتهم بقتل عروس إمبابة «بعد فترة كدة عرفت إن في مشاكل بينهم وأنها هتنفصل عن جوزها وطبعا ساعتها كنت طاير من الفرحة وكنت أكتر حد بيساعدها على ده، وقولت خلاص بقى هترجع لي، لكن أكتشفت المصيبة انها هتتجوز تاني، وحاولت إني أعمل أي حاجة عشان الجوازة دي متكملش، بس مكنش في إيد حاجة تاني وفعلا أتجوزت».

قاتل عروسة إمبابة: مربيها من صغرها

وأضاف المتهم بقتل العروسة «أتجوزت وخلاص مبقاش في حل، لكن يوم الجريمة أخدت بعضي وطلعت لها الفجر، وطرقت باب شقتها ولأن العلاقة قوية بيننا فتحت الباب ودخلت الشقة وكانت بملابس البيت فقمت بتتبعها وحاولت ملامسة جسدها وإقناعها بمعاشرتي، إلا أنها رفضت رفض تام وقالت لي - بهدوء كدة خد بعضك وأطلع برا عشان معملكش فضيحة في البيت - لكن أنا حاولت معاها بردو وحاولت أجردها من الهدوم بس هي قاومتني».

وأستكمل المتهم في إعترافاته أمام جهات التحقيق في الجيزة «بعدها مسكت بوقها عشان الفضيحة وفضلت أضرب راسها في الحيطة كذا مرة، وأول ما حسيت أن جسمها خلاص تقل مسكتها من رقبتها عشان أتأكد من موتها، وهي تستاهل عشان مرضيتش تديني جسمها وأنا أقرب ليها من اللي هي أتجوزتهم، وبعدين تركت الجثة وغادرت الشقة، وأتصل بي زوجها يطلب السؤال عنها كونها لا ترد فقولت له أنها لا ترد وحضر وأكتشف الجريمة».

كشف لغز جريمة عروسة إمبابة

حيلة قوية تتبعها المتهم في جريمة قتل عروسة إمبابة، حيث كشفت التحريات وأقوال الشهود قيامه بالتخلص منها ومحاولته الإفلات من العقوبة، حيث قررت زوجة المتهم بقيامه بإخبارها بعدم الرد على أسئلة أي شخص حيث قال لها «اللي يسألك أنا مكنتش هنا أصلا، ومكنتش موجود في البيت».

فرق المباحث في الجيزة قضت وقتا تجاوز 4 أيام للوصول إلى حل في لغز مقتل عروسة إمبابة التي لم تكمل بعد شهرها الثاني بعد زواجها، حيث تلقت الأجهزة الأمنية بمديرية أمن الجيزة، إخطارا من قسم شرطة إمبابة أفاد بورود بلاغا من زوج المجني عليها تضمن وصوله المنزل بعد الإتصال بزوجته وعدم ردها للإطمئنان عليها، وبفتح الباب عثر عليها جثة هامدة.

ضبط المتهم بقتل عروسة إمبابة

إنتقلت الأجهزة الأمنية بمديرية أمن الجيزة إلى موقع البلاغ وتبين العثور على جثة سيدة داخل شقتها، في العقد الرابع من عمرها، وبها إصابات في الرأس، وعلامات سحجات على الرقبة، وسلامة النوافذ والأبواب، وشكلت الأجهزة الأمنية في الجيزة فريق بحث لكشف الملابسات، كما تم نقل جثمان السيدة إلى المشرحة تحت تصرف النيابة العامة في الجيزة.

وفحصت الأجهزة الأمنية في الجيزة كاميرات المراقبة بمحيط العقار مسرح الحادث، حيث تبين عدم دخول أو خروج شخص في وقت معاصر لوقوع الجريمة، وهذا ما أكد أن الجاني من داخل العقار، حيث فحصت الأجهزة الأمنية المتواجدين في العقار حتى أسطقت المتهم جارها البالغ من العمر 53 عاما.

وألقت الأجهزة الأمنية في الجيزة القبض على المتهم وبمواجهته إعترف بارتكابه الواقع تفصيليا، وتحرر المحضر اللازم عن الواقعة وقررت النيابة العامة في الجيزة حبسه 4 أيام على ذمة التحقيقات، وقررت التصريح بدفن جثمان السيدة عقب صدور تقرير الصفة التشريحية الخاص بها.