هشام عاشور ردًا على منتقدي تمثيله: نيللي قالتلي الناس هتقارنك بيا

رد لاعب الاسكواش والفنان هشام عاشور زوج النجمة نيللي كريم على منتقدي تمثيله وذلك خلال لقائه مع برنامج et بالعربي.

تحيا مصر يرصد تصريحات هشام عاشور. 

تصريحات هشام عاشور

قال هشام عاشور: قبل ما نتجوز نيللي قالتلي خلي بالك أنت ممثل تقيل بس فكرة إننا مع بعض هتحط عليك ضغط كبير، لأن الناس هتقارنك بيا وإحنا عارفين القصة دي من الأول، ولكن لما الناس تشوف فيا ممثل بجد وبأثر بطريقة معينة هيبتدوا يفصلوني عن نيللي ويبصولي بطريقة تانية.

وتابع: لو جيبت حد النهارده حطيته قدام مخرج ومنتج ومؤلف وتقوله ده هيمثل معاك، مهو دول مش هُبل، مفيش حد بيحط الفلوس دي كلها ولا بيغامر معاه نجوم كتير ويحط حد يبوظله اللعبة.

حقيقة انفصال هشام عاشور عن نيللي كريم 

على الصعيد الآخر، كشف الفنان هشام عاشور عن حقيقة انفصاله عن زوجته الفنانة نيللى كريم، عبر مواقع التواصل الاجتماعى ووجه رسالة لمن يقوم بعمل ذلك قائلاً: «كل يوم استيقظ على خبر انفصالى مع نيللى، ونكون جالسين سويا، فأريد أن أوجه رسالة لمن يقوم بعمل هذه الشائعات، وهى حاول أن تركز بحياتك وتستثمر فى نفسك ووقتك».

أكد هشام عاشور، زوج الفنانة نيللي كريم، إنه يمثل منذ ما يقرب من 12 عام ولكن في أمريكا، وذلك بعد تداول انباء تعاونه لأول مرة مع زوجته الفنانة نيللي كريم، في مسلسل “روز وليلى”.

كما قال هشام عاشور، في تصريحات تلفزيونية إنهما حاولا تأجيل الإعلان عن العمل لأكبر وقت ممكن لمنع الألسنة من التحدث عن الأمر خاصة إنه لم يشترك بالتمثيل في أعمال مصرية من قبل.

لقاء هشام عاشور مع برنامج et بالعربي

وقال هشام عاشور، خلال لقاء تلفزيوني مع برنامج et بالعربي، إن زواجه بنيللي كريم تم سريعًا دون تفكير في مسألة فارق العمر بينهما، متابعًا: «إيه اللي يهم لو فرق السن وصل لـ10 سنين حتى، الفكرة إنك تلاقي حد يخليك ترتبط بيه من غير ما تفكر، وده اللي حصل معانا، اتجوزنا بسرعة من غير أي تفكير، للأسف فيه ناس مشغولة بإنها تحكم على اللي حواليها بس».