نادية مصطفى توجه رسالة رومانسية لزوجها: ربنا ما يحرمني منك

وجهت الفنانة نادية مصطفي رسالة رومانسية إلى زوجها الفنان أركان فؤاد خلال المؤتمر الصحفي الخاص بطرح أغنيتها الجديدة يسلملي ذوقك، بأحد فنادق مدينة 6 أكتوبر.

تحيا مصر يرصد رسالة نادية مصطفى لزوجها. 

نادية مصطفى تتغزل في زوجها

قالت نادية مصطفى: شكراً لجوزي وحبيبي وروحي وضهري وأستاذي ، ربنا ما يحرمني منك بحبك أوي . 

آخر أعمال نادية مصطفى 

من جانبه، طرحت المطربة نادية مصطفى أحدث أغانيها التي تحمل اسم "يسلملى ذوقهم" على موقع الفيديوهات الشهير يوتيوب، وهى من كلمات نور عبد الله وألحان مصطفى العسال وتوزيع الهامى دهيمة وأحمد حسام ومن إخراج رودينا حاطوم.

كلمات أغنية يسلملي ذوقهم نادية مصطفى

يسلملي ذوقهم اللي احنا ذوقهم
عاليين فى عينا ولا حد فوقهم
غاليين فى سوقنا غاليين فى سوقهم
وان غابوا ندعى الله يسوقهم

هما اللي الدلع يبقالهم لايق
بيقيدوا قلبي بنظرة حرايق
هما وبس لقلبي شقايق
دول موصوفين لدوايا

فينا عشمهم وعشمنا فيهم
ومهما غبنا نيجي نلاقيهم
وان غابوا عمر ييجوا يلاقونا
على ماسابونا بحطة ايديهم

على الصعيد الآخر، كانت قالت نادية مصطفى خلال تصريح خاص لـ موقع تحيا مصر: "كل كان واقف في ضهر هاني شاكر، لكن محدش قال الحقيقة وبلوم الجمعية العمومية انها تطلع هاني شاكر بالشكل المهين ده، كان لازم الجمعية العمومية تجيبه من بيته وتحاسب اللي غلط قدامه”.

وتابعت نادية مصطفى حديثها، منفعلة: “فين الفساد يجماعة، احنا قعدنا سنتين كورونا مفيش حد بيشتغل والنقابة وقفت وأدت كل المطلوب منها وأكتر زي ما الدولة عملت، والنقابة مقصرتش وهاني شاكر مقصرش كان 24 ساعة قاعد على التليفون بيستجيب لمطالبات الموسيقين، واترفعت عليه قضايا بتهم مفبركة، ومعايا الدليل، هاني شاكر ظلم واتهان من الناس كلها ومفيش حد هيجي زيه ".

وأكدت: “أنا بحترم هاني شاكر وهو عشرة عمري ومفيش في يوم من الأيام أثر وهاني شاكر وجهة مشرفة لنقابة المهن الموسيقية، ومفيش حد هيجي زيه”.

وعن إمكانية استكمالها في منصبها بنقابة المهن الموسيقية، فقال: “الله اعلم هكمل ولا لا بس عشان انا تعبانة مش عشان مصطفى كامل، انا مع اي حد طالما اللي هيجي بـ ارادة الجمعية العمومية، وأنا محدش ماسك عليا حاجة ولا حد يقدر يمسك عليا حاجة وعدم ردي على الانتقادات عشان تربيتي وأخلاقي منعوني”.