استمتعت بحلقتي مع ياسمين عز وأنا صوتي نحاسي.. ابرز تصريحات محمود عبدالمغني

حل الفنان محمود عبد المغني ضيف على برنامج gossips، المذاع على السوشيال ميديا والذي كشف خلاله عدد من التصريحات عن حياته الشخصية والعملية، ويرصدها تحيا مصر في ذلك التقرير.

تصريحات محمود عبد المغني

• مفيش واحد مكنش معجب بواحدة في ثانوي وإعدادي وانا كنت بتصد وبتقولي انت مبتفهمش واضح انها مكنتش فاضية او مخنوقة من الحر.
• فيلم يوم 13 أول فيلم 3D وعمل نجاح كبير والمعادلة الصعبة انك تنجحي تجاري وفني في نفس الوقت وده نادر جدا لكن حصل في يوم 13 والناس خارجة مبسوطة منه الحمدلله.
• كنت مبسوط جدا في حلقتي مع ياسمين عز وانا صوتي نحاسي أو جملي شوية.
• اتعلمت من والدتي ازاي اتعامل مع ولادي واللي عملته ليا عملته مع ولادي، حب الأسرة والانتماء لبعضينا والأكل والضحك والاسرار مع بعض فإمي مدرسة كبيرة.
• أمير كرارة صوته حلو جدا، عمرو يوسف رياضي جدا، أحمد داود مجتهد وأنا بحبه ولأول مرة بنتشغل مع بعض في فيلم ومش هيكون أخر مرة، وعمرو سعد هيجي وقت ويكتب فيلم لوحده لأنه عنده ملكة الكتابة.
• شريف منير دمه خفيف وتحسي بانبساط أما تشوفيه.
• سيبت الدراسة لأني كان عندي احساس بالمسؤولية وعايز اساعد أمي واخواتي لكن الظروف دلوقتي مختلفة.
• عرفت مراتي واتجوزتها بعد 20 يوم وكان القصة اني روحت السيدة نفيسة الفجر وقولتله يارب انا اخترت كتير فاخترلي انت وبعدها قابلت مي وحسيت براحة ملهاش تفسير لحد دلوقتي.
• سيبت المدرسة عشان اشتغل بعد وفاة والدي وقعدت مش عارف أقرأ لحد سنة السادسة.

محمود عبد المغني في يوم 13

يذكر، أنه يعرض لـ محمود عبد المغني خلال الفترة الحالية فيلم يوم 13 إلى جانب أحمد داود، دينا الشربيني، شريف منير، جومانا مراد، محمد ثروت، نسرين أمين، نهى عابدين، جيهان خليل، أروى جودة، أحمد زاهر، مجدى كامل، محمد كيلانى، فيدرا، إيناس كامل، نهال عنبر، محمد الصاوي، أميرة نايف وتأليف وإخراج وائل عبد الله، ويعد أول أول فيلم عربى رعب يتم تصويره وعرضه بتقنية 3D.

وتدور أحداث فيلم "يوم 13" فى إطار من الإثارة والتشويق عن عز الدين الذى يعود إلى مصر بعد غياب 25 سنة، ويسعى لبيع القصر الذى ورثه عن أبيه إلا أنه يفاجأ بشائعات أن القصر مسكون بالأرواح.