وجعتني ياولاء.. زوجة صيدلي حلوان: طلقني قبل كدة عشان علاقتي براجل تاني

عاقبت محكمة جنايات القاهرة زوجة الطبيب ولاء زايد صيدلي حلوان، بالسجن 15 عاما، عما أسند إليها من إتهام بالإشتراك في إحتجاز وتعذيب المجني عليه زوجها الطبيب ولاء زايد صيدلي حلوان.

الـ DNA.. مفاجأة جديدة في ممارسة أب الحرام مع ابنته بـ الفيوم | فيديو

سابت جثتها وراحت إسكندرية.. أربعينية تذبح إبنتها في كفر الشيخ|التفاصيل الكاملة

إعترافات زوجة صيدلي حلوان

وينشر موقع تحيا مصر نص إعترافات زوجة صيدلي حلوان أمام النيابة العامة خلال التحقيقات، حيث قالت المتهمة «أنا أتجوزت ولاء سنة 2016، وهو ساعتها كان شغال صيدلي في الخليج، وقعدت معاه بره مصر 3 سنين لحد سنة 2019، ورجعت عشان يونس إبني كبر وأنا كان عندي شغل هنا في القاهرة، وكان بينا خلافات بين الوقت والتاني على مصروف البيت ومحصلتش الخلافات إلا لما عرفت أنه إتجوز عليا».

زوجة ولاء زايد: عرفت أنه متجوز عليا أتوجعت

وتابعت زوجة صيدلي حلوان المتهمة في إعترافاتها «لما ولاء رجع مصر في سبتمبر 2022 قالي إنه متجوز واحد تانية، وعرفت ساعتها أنه بقاله 5 ايام متجوز، وأنه كان على علاقة بواحدة من 4 شهور، أتوجعت من اللي عمله ولاء ورفضت أكون زوجة تانية، وقولتله أنا هجيب بابا ونقعد نحل القصة دي، وحددنا أكتر من ميعاد وكان ولاء بيخلف فيهم، وأنا كنت حاسة أنه متردد يطلق الزوجة الثانية، وأنه مش مقتنع بيها كزوجة، أتفقت مع ابويا إنه هيجي تاني يوم اللي هو يوم الحادثة عشان يتكلم مع ولاء ويشوف لنا حل في الموضوع وكان معاه أخواتي علي وعمر».

زوجة صيدلي حلوان: طلقني لما شاف محادثة مع راجل

وأضافت زوجة صيدلي حلوان المجني عليه «في واحد كان بيبعتلي أسمه محمد ع على الواتس رسائل أنه بيحبني وأنا كنت بقوله أنا ست متجوزة وأبعد عني، ولما ولاء عرف إني على علاقة بواحد تاني من خلال شات على التليفون طلقني وإنفصلنا، وبعد 7 شهور رجعنا تاني، ويوم الحادثة ولاء جه وأتفق مع بابا وأخواتي أنه يطلقني، وساعتها كان مخضوض من الموقف، لكنه أتفق معاهم على كدة ودخلنا الأوضة وأتكلمنا مع بعض شوية في حاجات زوجية، وقالي هطلق التانية وكلمها في التليفون قالها إنتي طالق لأنها ساكنة في المنوفية، وكنت عايزاها تيجي يطلقها قدامي، وهي سكتت وبعد كده قالتله ماشي ياولاء وقفلت التليفون، وبعتنا نجيب أكل من بره وكان معايا أخواتي وأبويا وولاء، وبعد نص ساعة وصل الأكل وحصلت مشكلة».

أكملت زوجة صيدلي حلوان في إعترافاتها «جيت أحاسب ملقتش فلوس في الدولاب وانا كنت شايلة 25 ألف جنيه فيه، ومفيش في البيت غير أنا وهو روحت سألته عنهم قالي معرفش قعدنا نزعق مع بعض وصوتنا علي وبعدها هدينا عشان ناكل، وطلعت لأبويا في الصالة عشان يونس ياكل، وفجأة وإحنا قاعدين سمعنا صوت هبدة حاجة عملت بوم، قومت أشوف لقيت ولاء في الشارع على الأرض والناس شالته وخدوه على المستشفى وأخواتي كانوا تحت، وأنا نزلت جري على البيت أودي يونس عند أمي، وتواصلت مع والدي وإخواتي الاتنين عشان أطمن على ولاء لقيت المباحث جت وأخدتني».