بنتي الكبيرة.. تامر حسني يتحدث عن مسؤولة الميديا الخاصة به: الطفلة الشطورة كبرت

رد الفنان تامر حسني على تساؤلات الجمهور بشأن العروس الذي اهتم بإحياء حفل زفافها وصلة القرابة بينهم بسبب شدة تقربه منها في حفل الزفاف، حيث سلمها لعريسها بنفسه.

تحيا مصر يرصد في ذلك التقرير حديث تامر حسني عن مسؤولة السوشيال ميديا الخاصة به

تامر حسني عن هالة عمر: كنت من الفانز والمقاتلين

ونشر تامر حسني مقطع فيديو من حفل الزفاف عبر حسابه الرسمي بموقع تبادل الصور والفيديوهات انستجرام، كاشفا صلة القرابة بينهم وبين العروس، فقال: "لكل اللي بيسأل عن ايه وجه القرابه بيني و بين العروسه الجميله دي شايف اسأله كتير انا هحكيلكوا هي اسمها هاله عمر عرفتها كانت بنت من الفانز صغيره و من المقاتلين و المدافعين عن تامر على الانترنت و من كتر دفاعها عني لفتت نظري و مره رديت عليها شكرتها و لما سافرت اسكندريه في الوقت ده لقيت بنت صغيره اوي بتعيط و بتجري عليا فا وقفتلها و فكرتني بنفسها و فضلت تعيط و تقولي احنا معاك و لازم تكمل عشان كنت بتحارب جداً في بداياتي.

تامر حسني عن هالة عمر: ماسكة كل شغل الميديا وهي طفلة شاطرة كبرت قدامي

وتابع حديثه، قائلا: فا اتصدمت ان اللي بتقول كده بنت صغيره كده و المجهود ده كله اللي عاملاه بنت صغيره عندها ١٤ سنه وقتها كانت السوشيال ميديا لسه بتطلع و كنا في شركتنا بندور على شركه كبيره تمسكلي السوشيال ميديا لحد ما قولتلهم انا مش عايز شركه كبيره انا عايز البنت الصغيره دي هي اللي تمسكها فضلوا يقنعوني ان كده مش صح ولازم اكتر حد خبره يمسكها وانا قولت لا لازم اكتر حد بيحبني هو اللي يمسكها و انا واثق ان طاقة الحب مفعولها اقوى من طاقة المحترف بلا حب فعرضت عليها تشتغل معايا و هي في السن ده مصدقتش طبعاً و من ساعتها و هي اللي ماسكه كل شغل الميديا الطفله الشاطره اللي كبرت دلوقتي قدامكم هاله عمر

واستكمل" اما بقى عريسها العسل ده اسمه عمرو طلب اديها مني انا عشان والدها و والدتها توفاهم الله. في سنه واحده رحمهم الله ياريت نفتكرهم و نهديلهم ثواب الدعاء و الفاتحه.

تامر حسني عن عالة عمر: بنتي الكبيرة بتتجوز قدام عيني

واختتم حديثه: و من اللحظه دي اتحولت هاله لبنتي الكبيره بجد اللي بتتجوز دلوقتي قدامي و بسلمها لعريسها بنفسي و بغني في فرحها ، معرفتش ارد على كلامك عني في الفرح يا هاله رديت دلوقتي هنا ربنا يكرمك و يسعدك مع جوزك الجميل المحترم اللي هيكون ضهرك و سندك و يكمل معاكي مشوار حياتك مع اولادكم الجُمال بإذن الله