لو لقيت زميل يستحق كرسي النقابة مش هترشح للانتخابات وزودت معاشات الموسيقيين.. تصريحات مصطفى كامل

فجر الفنان مصطفى كامل نقيب المهن الموسيقية، عدة تصريحات حول تفاصيل فتح باب الترشح على منصب النقيب وأعضاء مجلس النقابة الشهر المقبل.

تحيا مصر يرصد تصريحات مصطفى كامل. 

مصطفى كامل ببرنامج ملفات على الشاشة

وقال مصطفى كامل خلال مداخلة هاتفية مع الإعلامية أميرة بدر ببرنامج ملفات على شاشة هي: زودنا المعاشات بنسبة ١٠٪؜ للمرة التالتة على التوالي في ٧ شهور، وفتحنا باب الترشح للدورة المقبلة بدري من ١١/٦ وحتى ١/٨ عشان المرشحين يعملوا جولاتهم الانتخابية براحتهم، لأن قبل كده كان الوقت بيكون محدد وبيكون في تضييق عشان مرشحين بعينهم يكسبوا.

وتابع: لسه مش عارف هترشح ولا لا احنا اخدنا قرار بفتح باب الترشح ولكن مخدتش قرار بدخولي الانتخابات ولا لأ.. وأقسم بالله لو لقيت زميل يليق بكرسي النقابة اكتر مني، والله مش هترشح وأدعمه.

مواعيد برنامج ملفات على الشاشة

يعد برنامج ملفات من تقديم الإعلامية أميرة بدر على شاشة هي يوميًا من الأحد للأربعاء وتناقش خلاله عددًا من القضايا التي تشغل الرأي العام، بالإضافة إلى استضافة نجوم الفن والرياضة.

وكان علق مصطفى كامل على ظهوره في رامز نيفر إند قائلًا: أنا مش بتاع السبوبة، انا معرفش المقلب، انا عارف أني رايح لرامز بس معرفش نوع المقلب، واختلفنا اكتر من ٢٠ يوم وتدخل حد حبيبي وقالي أنتي روحت وصورت فحرام عليك، مصطفى كامل أكتر واحد حافظ على مهنة الموسيقيين.

مقلب رامز جلال في مصطفى كامل 

وتابع: المقلب واجعني جدا ومحمد فؤاد تعبان بردو، واللي حصل فيا أنا ومحمد فؤاد ومحمد رمضان أوفر، جوايا حالة زعل كبيرة من رامز.

وبكى مصطفى كامل في لقاؤ تليفزيوني قائلًا: “مراتي وصتني وقالت لي لو جت سيرة والدك ما تبكيش على الرغم من أنه متوفى من سنة 1996 لكن كل ما تيجي سيرته أقسم الله ما بإيدي بلاقي دموعي نزلت”.

وتابع: “والحمد لله إنه شاف 4 أو 5 سنين من قمة نجاحي.. والصحافة كانت بتشتمني وكنت من أكتر الناس اللي اتهاجمت حتى في تسلم الأيادي وفي قمة نجاحي اتهاجمت، وأبويا وهو بيحتضر قلت له هسيب الفن، قال لي اوعى”.

وأضاف: “قال خليك واقف وحارب، وبقى هو اللي فرحان بنجاحي.. كل الناس عارفة عني حياتي الخاصة، كنت أول شاعر يكون معروف للناس، وكنت أول فنان يصرح إنه من حواري مصر القديمة ومن شارع القبوة في مصر القديمة اللي قدام كنيسة ماري جرجس ودي منطقتي وبعتز بيها”.

وتابع قائلًا: “مهما أسكن في أي مكان مصر القديمة في دمي، ووالدي كان ظابط وكنت ليه كل حاجة في حياته، لأني كنت الكبير، وكان مصادقني وحبيبه وصاحبه وأمله، وكان عاوزني في كل حاجة لكنه سبب لي مصيبة كبيرة لأني اتحملت وأنا شاب مراهق أحلام أبويا غصب عني، كنت لازم أحققها له وكمان أحلامي”.

وقال أيضًا: “كان عاوز يدخلني كلية التجارة، علشان عمي يعيني في البنك مع إني كنت بكره الحساب، وهربت روحت أدبي علشان مش بحب الكيميا والحساب ولحد النهاردة مش بدير أموري المالية لا في بيت ولا في شغلي ولا اللايف بتاعي، وما عرفش في جيبي كام ماليش في الحسابات فكنت بجري ورا أحلامي”.