رانيا يوسف: عانيت مع الطلاق ومشاكله.. والراجل البصباص بيقفلني من أول Date

تحدثت الفنانة رانيا يوسف عن معاناتها بعد الطلاق مع النفقة ومحاكم الأسرة، وذلك خلال لقاء لها ببرنامج et بالعربي على هامش حلقتها بـ  The Blind Date Show.

تحيا مصر يرصد تفاصيل تصريحات رانيا يوسف 

رانيا يوسف في et بالعربي

وقالت رانيا يوسف: أنا واحدة من الستات اللي عانيت جدًا في قصة الطلاق والأطفال والنفقة والمحاكم، ومسلسل زي تحت الوصاية أو مسلسلات كتير ابتدت تناقش القصص دي، وأنا حاسة أن دا وقتنا أننا لازم نعمل حاجة، ونحاول نغير في القوانين اللي موجودة لصالح الأطفال والستات اللي بتتبهدل عشان تاخد حقها.

وتابعت: فكرة الـ blind date حلوة لأنه من غير أقنعة ومن غير تمثيل ودا شيء لطيف، لأنه دايما في الأول ممكن يكون فيه شوية تمثيل لو الطرفين يعرفوا بعض، ولو لقيت الراجل رغاي أوي ولو حسيت أنه بخيل وبصباص هتقفل منه من أول date.

رد رانيا يوسف على طليقها محمد مختار

وعلى صعيد آخر، حرصت الفنانة رانيا يوسف الرد على طليقها المنتج محمد مختار، بعد أن أعرب عن استيائه من ارتداء ابنته لفستان البطانة في أحد المهرجانات السينمائية.

وردت رانيا يوسف قائلة: وانت كنت فين طول الـ13 سنة اللي فاتوا في حياة بناتك كنت برضه زعلان ونعم الأب.. ولما المدام مراتك كانت بتتباس وتقلع في الأفلام وعلى طول بالبيبي دول مكنتش بتزعل مش دي برضه المفروض أنها شرفك وعرضك ولا عشان كنت مستفيد؟.

وسبق وأن كشف محمد مختار عن رأيه في ارتداء ابنته لفستان البطانة خلال لقائه ببرنامج حبر سري، حيث قال: زعلت جدًا لما بنتي لبست فستان البطانة ومقدرتش افتح بوقي معاها لأن الأب فلوس وبس.

إشادة رانيا يوسف بمسلسل تحت الوصاية

وعلى صعيد آخر، أشادت الفنانة رانيا يوسف بمسلسل تحت الوصاية التي تقوم ببطولته الفنانة منى زكي، وعرض في النصف الثاني من شهر رمضان 2023، وحقق نجاحًا كبيرًا.

وكتبت رانيا يوسف عبر حسابها بموقع تبادل الصور والفيديوهات انستجرام: تمتعت مع الملايين بمشاهدة مسلسل "تحت الوصاية" لصديقتي الفنانة المبدعة مني زكي ، المسلسل جسد بصورة واقعية قصص النساء اللاتي يعانين من التمييز والظلم في المجتمع.