أيمن بهجت قمر عن عادل إمام: اسعدني الحظ إني سمعت صوته وربنا كرمني بإني كتبت ليه

كشف السيناريست أيمن بهجت قمر عن مكالمته مع الزعيم عادل إمام في عيد ميلادها الذي حل أمس الأربعاء، مشيرا إلى أنه كان في أسعد لحظات حياته حينما سمع صوت الزعيم.

تحيا مصر يرصد في ذلك التقرير تصريحات أيمن بهجت قمر عن عادل إمام

أيمن بهجت قمر عن عادل إمام: فتحت عينيا على الحياة وهو في بيتنا

وكتب أيمن بهجت قمر عبر حسابه الرسمي بموقع التواصل الإجتماعي “فيسبوك”: “طول اليوم عامل موبايلي سايلنت وقالبه على وشه عشان عندي شغل ومش عايز حاجه تشغلني وفجأه معرفش ليه قلت ابص كده لقيت مصطفى هريدي بيكلمني في نفس اللحظه من عند الاستاذ عادل امام عشان كنت موصيه لما يروح له يكلمني وأسعدني الحظ اني اطمنت عليه وسمعت صوته”.

وتابع حديثه: “عادل امام بالنسبالي موجود في حياتي بعدد سنين عمري لإني حقيقي فتحت عينيا على الحياه وهو في بيتنا وكانت شهادة تكريمي الحقيقيه لما ربنا كمان اكرمني وكتبت له ونولت الشرف العظيم ده .. ربنا يدي له الصحه ويخليهولنا ويحفظه لجمهوره في العالم العربي كله”.

أحمد التهامي عن عادل إمام: أبرز محطاتي الفنية معاه

وسبق وكشف أحمد التهامي خلال لقائه بموقع تحيا مصر عن مواقف الزعيم عادل إمام معه، فقال: " من أبرز محطاتي الفنية شغلي مع الأستاذ عادل إمام، أول فيلم بيننا كان أمير الظلام.. أنا كنت بطل إعلانات عملت إعلامات كتير مع أكبر المخرجين، والأستاذ شريف عرفة هو اللي دخلني السينما من خلال فيلم الناظر، ودا كان أول مشهد ليا في السينما، وبعد فيلم الناظر كانت أمنية حياتي أشوف الأستاذ عادل إمام، ومكنش في مخيلتي أني ممكن أشتغل معاه، فعرفت أنه بيجهز لفيلم جديد فقولت دي فرصة أشوفه وأسلم عليه.

أحمد التهامي: عادل إمام أبويا الروحي

وتابع حديثه، متحدثًا عن الشائعات التي تلاحقه:  مازالت على تواصل مع الأستاذ عادل إمام، هو أبويا الروحي، وأنا بحبه ومواقفه معايا كتيرة واتعلمت منه كتير وهو مدرسة عظيمة وإنسان أعظم ومهما أقول عليه مش هوافيه حقه، والحمد لله أن معطم مشواري الفني كان مع أستاذ عادل إمام، وأنا مش عارف ايه كم المشاكل اللي بقت عند الناس أن هي تطلع شائعات بهذا المنظر، أنا شايف أنه بفى فيه أساليب عند الناس وحشة جدا ولازم نبطل العادات السيئة دي اللي ظهرت فجأة في وسطينا وأنا مش عارف دول هيقابلوا ربنا ازاي.