المواقف الصعبة بتبين معادن الناس.. أول تعليق من مي سليم بعد تعرضها لحادث سير

خرجت الفنانة المصرية مي سليم في أول تعليق لها بعد تعرضها لحادث، لتوجه رسالة شكر لكل من دعمها في أزمتها الصحية.

تحيا مصر يرصد أول تعليق من مي سليم بعد تعرضها لحادث.

مي سليم تتعرض لحادث سير

كتبت مي سليم عبر حسابها الرسمي بموقع تبادل الصور والفيديوهات القصيرة إنستجرام: حقيقي المواقف الصعبة بتبين معادن الناس ومحبتهم وأنا ربنا أنعم عليّ بأجدع إخوات وجمهور، عاجزة عن الشكر لكل من سأل عليّ بمكالمة أو رسالة.

وتابعت: أنا والله الحمد بخير وبحمد ربنا على كل حاجة هو كتبهالي، شكرًا وربنا ما يوريكم أي حاجة وحشة أبدًا.. الحمدلله الذي نجانا ووهبنا الحياة من جديد.

تصريحات مي سليم عن طليقها

على الصعيد الآخر، فجرت مي سليم تصريحات عن طليقها قائلة: «في ناس كتير اتضايقت منه عشان البيوت أسرار، أنا كنت على ذمة راجل، ومفيش راجل بيطلع يتكلم على أسرار بيته، كل الناس اتخضت من كلامه، الصغير  قال عيب والكبير قال عيب».

وتابعت «مي»، خلال حوارها ببرنامج «العرافة»، مع الإعلامية بسمة وهبة، على قناة «المحور»، مساء الخميس، أن ما جعل «فواز» يطلق تصريحات ضدها أنها أصرت على الانفصال».

وأوضحت أنه كان مرحبا بالانفصال، لكنه اندهش من سرعة القرار.

وأضافت: «عرفته لمدة 3 شهور في مسلسل، تجربة الزواج استمرت 10 أيام ولم تكن جيدة، كلامه ضايقني عشان بنتي مش حاجة تانية، مفيش سبب يخلي رد فعله بالقسوة دي، كل حاجة ربنا بيعملها خير، كان في مشكلة بيننا من أول يوم، وإحنا الاتنين اتسرعنا، وسبب قاسي وراء انتهاء الزواج».

آخر أعمال مي سليم الغنائية

طرحت الفنانة مي سليم  مؤخراً، أحدث أغنياتها التي تحمل اسم "يا بنتى"، على موقع الفيديوهات "يوتيوب" وتتعاون في الأغنية مع الشاعر محمود عبد الله والملحن محمدى وتوزيع أحمد أمين.

كلمات اغنية يا بنتي مي سليم

عدت الأيام يا بنتي
و الليلادي الكل شافك
وسط فرحه كبيره وانتي
قاعده لابسه توب زفافك
أيوه رايحه لدنيا تانيه
لسه فيها هتبتدي
بس قلبي هيبقي عندك
مهما عني هتبعدي

كنت وانا بلعب معاكي
بادعي و ف حضنك بَضُم
إني اشوفك يوم عروسه
زي حلم أي أُم
وادي أحلامي ودُعايا
شوفتهم بعينيا آهُم
فهّميني كبرتي إمتي
لأ وقلبك داب و حب
ياللي لسه ما جاش ف عمري
أغلي منك أو أحَب
ربنا يهنيكي دايماً
باللي تتمنيه يا رب

نمسك الخشب النهارده
هوه فيه حد ف جمالك
لأ وبكره الفرحه تكمل
وبإيديا أشيل عيالك
بالسلامه وبادعي ليكي
طول حياتك تكسبي
عايزه اوصي كمان حبيبك
شيلها ف عينيك والنبي