مينفعش اعمل حاجة مع عادل امام ومحضنهوش.. هكذا تحدثن نجمات الفن عن الزعيم

يحل اليوم الأربعاء الموافق 17 من شهر مايو عيد ميلاد الزعيم عادل إمام الـ 83، والذي يحرص على الاحتفال به مع أسرته في منزله حيث أنه من الشخصيات الغير محببة للاحتفال بمثل هذه المناسبات، وتزامنا مع تلك المناسبة يرصد تحيا مصر مواقع الزعيم مع نجمات الفن وهكذا يتحدثن عنه.

لبلبة عن عادل إمام: مكنش ينفع يبقى فيه دور بينا ومحضنوش

كشفت لبلبة عن عدم إمكانية رفضها للأدوار الجريئة التي جمعتها بالزعيم عادل إمام رغم تحذير والدتها الشديد لها، فقالت في تصرحات سابقة: أمي كانت محذراني من المشاهد الجريئة.. ولكن أنا كنت بطلع مع عادل إمام مراته في أعمالنا وكان لازم أحضنه ويكون فيه بينا مشاهد زي دي.

وتحدثت من قبل عن مكالمة دارت بينهما وبين الزعيم قالت فيها: أنا على اتصال دائم بالزعيم عادل إمام.. دايما بتكلم معاه وأخر مرة كان بيكلمني إنجليزي، قالي I LOVE YOU.. هو عشرة طويلة بينه وبيني وعيلته هي عيلتي وولاده أنا بعتبرهم ولادي، وهو إنسان عطوف وبيحب فنه وبيحب جمهوره وبيحب بلده.. الأستاذ عادل حاجة كبيرة جدا جدا عند كل الناس وعندي أنا حاجة مهمة جدا في حياتي.. ربنا يخليهولي.

إلهام شاهين للزعيم:  انت ليك يد في نجومتي

وتحدثت إلهام شاهين في تصريح سابق لموقع تحيا مصر عن فضل الزعيم عليها، فقالت: "عمري ما هنسى فضلك أبدا وانك أول الناس اللي قدموني كبطولة في فيلم الهلفوت، وكانت اول جايزة في حياتي فانت ليك يد في نجومية إلهام شاهين".

يسرا عن عادل امام: انت قيتمك كبيرة ومبسوطة اني خدت من خبرتك

أما عن يسرا فقالت: "أنت قيمتك كبيرة أوي أوي، بشكرك إنك أدتني من خبرتك كتير، فربنا يخليك لينا ويسعدك زي ما أسعدتني، إحنا كبار بيك وبوجودك معانا، وحقيقي مفيش كلام يوفيك حقك.. وحشتني️ ‎عادل إمام".