اتخانت في الـ 3 جوازات.. تصريحات نارية لـ رانيا يوسف عن زيجاتها

فجرت الفنانة رانيا يوسف عدة تصريحات نارية عن زيجاتها الثلاثة، وذلك من خلال حلقتها ببرنامج The Blind Date Show، المذاع عبر موقع الفيديوهات العالمي يوتيوب، وفي ذلك التقرير سيرصد موقع تحيا مصر أبرز تصريحاتها عن زيجاتها في الحلقة.

أبرز تصريحات رانيا يوسف عن زيجاتها

• اتخانت في الجوازة التانية لأنها مكانتش جوازة حقيقية
• وفي الجوازة التالتة اتخانت وقررت يوم ما عرفت أني اتطلق وعملت كدا وجبت المأذون وطلقني في نفس اليوم
• في جوازي التالت كنت سعيدة أول 3 سنين بعد كدا الدنيا ممشيتش
• أول طلاق ليا كان قرار صعب جدًا وقعدت 5 سنين عقبال ما أخدته واطلقت وأنا لسه بحبه وعشان أخد القرار روحت قصيت شعري
• أحد أسباب طلاقي من جوازتي الأولانية التكييف
• علاقتي بطليقي التالت كويسة جدا، احنا صحاب جدا لكن أبو بناتي علاقتي مش كويسة بيه خالص وكنت أتمنى نكون أصدقاء
• تجربتي الأولى في الجواز كانت ناجحة والتجربتين التانيين مكانوش ناجحين
• جوزي الأخير كان برج العقرب وكان ابن حلال ومشكلة برج العقرب أنه غامض وبيكذب كتير

رد رانيا يوسف على طليقها محمد مختار

وعلى صعيد آخر، حرصت الفنانة رانيا يوسف الرد على طليقها المنتج محمد مختار، بعد أن أعرب عن استيائه من ارتداء ابنته لفستان البطانة في أحد المهرجانات السينمائية.

وردت رانيا يوسف قائلة: وانت كنت فين طول الـ13 سنة اللي فاتوا في حياة بناتك كنت برضه زعلان ونعم الأب.. ولما المدام مراتك كانت بتتباس وتقلع في الأفلام وعلى طول بالبيبي دول مكنتش بتزعل مش دي برضه المفروض أنها شرفك وعرضك ولا عشان كنت مستفيد؟.

وسبق وأن كشف محمد مختار عن رأيه في ارتداء ابنته لفستان البطانة خلال لقائه ببرنامج حبر سري، حيث قال: زعلت جدًا لما بنتي لبست فستان البطانة ومقدرتش افتح بوقي معاها لأن الأب فلوس وبس.

زيجة رانيا يوسف التانية

وسبق وأن أكدت الفنانة رانيا يوسف على أنها كررت تجربة الزواج بعد زيجتها الأولى خوفًا من المجتمع، وذلك في حوارها ببرنامج العرافة مع الإعلامية بسمة وهبة.

حيث قالت رانيا: اتجوزت الجوازة التانية والتالتة عشان خوفت على سمعتي بعد طلاقي من مختار، وكان فيه ضغط من المجتمع عليا، وكنت بعمل حساب للمجتمع لكن دلوقتي لا.