محمد التاجي: شغال بيبي سيتر لأحفادي بمزاج.. واتيتمت بعد نور الشريف فنيًا

تحدث الفنان محمد التاجي عن علاقته بالفنان الراحل نور الشريف، وذلك خلال لقائه اليوم ببرنامج مساء دي إم سي مع الإعلامية إيمان الحصري.

تحيا مصر يرصد تفاصيل تصريحات محمد التاجي في مساء دي إم سي

محمد التاجي ونور الشريف

وقال محمد التاجي: يوم ما اتوفت أمي أنا اتيتمت إنسانيًا وبعد نور الشريف أنا اتيتمت فنيًا، نور قالي أنت لما تكبر هتشتغل أحسن وهتعمل أدوار أقوى من اللي أنت بتعملها دلوقتي وفعلا دا اللي حصل، وكان دايما يقولي عايز تعترض أو تناقش المخرج يبقى في فترة التحضير أو قبل ما تمضي ولكن بمجرد أنك مضيت أنت تحت قيادة الراجل دا .

وتابع: الجمهور تقديره أكبر من أي حد قائم بالعملية الفنية وفيه منتجين بيعترفوا بدا، وأنا تعاملت مع جيل كل واحد عارف دوره كويس وحدوده فين وحاليا المسائل بتدخل في بعضها، والممثل بقى يتدخل في المونتاج، وكل واحد نسي شغلته وبيبص للشغلانات التانية.

علاقة محمد التاجي بأحفاده

وفي الحلقة ذاتها تحدث التاجي عن علاقته بأحفاده قائلًا: أحفادي عاملين ليا خبلان في دماغي، عندي 3 أولاد منى مهندسة معمارية، ويمنى الوسطانية مهندسة طيران، ومصطفى معهد سينما قسم إخراج، وأحفادي بيجوا من المدرسة عليا والإقامة عندنا وببقى بيبي سيتر بمزاج.

محمد التاجي والتفكير في الاعتزال

وسبق وأن كشف الفنان محمد التاجي عن الأمور التي تجعله يفكر في الاعتزال من فترة للثانية، وذلك خلال لقائه اليوم ببرنامج “البخت” الذي يذاع على شاشة تلفزيون قناة “الشمس”.

حيث قال محمد التاجي: “فيه حاجات بتحصل جوا العملية الإنتاجية مش كويسة زي لما نقعد نفاصل مع المنتج الفني.. والواحد مبقاش فيه مناهدة للكلام ده فدا اللي بيضايق الواحد أو ممكن تلاقي مثلا عمل عاملة فيه مجهود وبعدين اتكتبتي بشكل وحش في التتر ولو أن دا مش بيهم الجمهور بس بيصعب عليا”.

وفي وقت سابق، هاجم الفنان ومؤدي المهرجانات محمد رمضان، الفنان القدير محمد التاجي، وذلك بعد تصريحات الاخير في إحدى البرامج حول إلقاء رمضان الدولارات في حمام السباحة، قائلا: «إحنا الاتنين مواليد 23 مايو بس الفرق بينا الحساب في البنك».