محمد التاجي: جدي فنان شهير.. وسيبت الفن لفترة بسبب أمي

كشف الفنان محمد التاجي أن جده الفنان الراحل عبد الوارث عسر لم يكن مرحبًا بدخوله مجال التمثيل، وذلك خلال لقائه اليوم ببرنامج مساء دي إم سي مع الإعلامية إيمان الحصري.

تحيا مصر يرصد تفاصيل تصريحات محمد التاجي في مساء دي إم سي

محمد التاجي وعبد الوارث عسر

وقال محمد التاجي: جدي الفنان عبد الوارث عسر مكانش مرحب بفكرة دخولي الفن وأنا اللي أصريت، لأن هو كان عارف أن الموضوع مش سهل وفعلا هو الموضوع مش سهل، وإن مكنتيش بتحبي المهنة دي وبتحترميها وبتخلصيلها هيبقى صعب عليكي.

وتابع: لو أنتي داخلة عشان شوية فلوس أو شوية شهرة هيبقى صعب، وهو كان خايف عليا مش رفضًا للفن، وقالي عايز تمثل مثل بس أنا مليش دعوة بيك وحسك عينك تروح لمنتج وتقوله أنا حفيد فلان.

علاقة محمد التاجي بوالدته

وفي الحلقة ذاتها، كشف محمد التاجي عن تفاصيل علاقته بوالدته، فقال: علاقتي بوالدتي قوية أوي وفي مرة سيبت الفن عشان خاطرها لأني ابنها الوحيد وكنا صحاب.

وتابع: ولما ابتدت تتعب سنة 2003 ابتديت أقلل من شغلي وبعدين في الأخر قعدت لأن مكنش ينفع حد تاني يرعاها غيري في الفترة دي.

خضوع محمد التاجي لعملية جراحية 

وسبق وأن أعلن الفنان محمد التاجي عن خضوعه لـ عملية جراحية منذ عدة أسابيع بعد تعرضه لوعكة صحية لم يكشف عن تفاصيلها بعد.

وشارك محمد التاجي صورته من داخل المستشفى على صفحته الرسمية بموقع التواصل الإجتماعي “فيسبوك”، وطالب الجمهور الدعاء له.

تصريحات محمد التاجي في برنامج البخت

وعلى صعيد آخر، كشف الفنان محمد التاجي عن السبب وراء اعتذاره عن المشاركة في فيلم “عمارة يعقوبيان”، وذلك خلال لقائه اليوم ببرنامج “البخت” الذي يذاع على شاشة تلفزيون قناة “الشمس”.

حيث قال محمد التاجي: “اعتذرت عن عمارة يعقوبيان لإني لاقيت في مشهد مينفعش اعمله قولت عندي بنات محبش يشوفوني في الوضع ده، وطالما حاجة مش قادر أواجه بيها المجتمع، يبقى أنا كده بعصي ربنا”.

وفي الحلقة ذاتها أكد الفنان محمد التاجي على أنه لا يستاء من أبدًا من لقب “دقة قديمة”، حيث قال: "يتقال عليا ده، عشان مش بجاري الكلام الخارج اللي بيحصل اليومين دول، وسعيد إن بيتقال عليا ده".