حاتم صلاح: رحمة أحمد مفيش زيها كتير واستغربت من الهجوم عليها

كشف الفنان حاتم صلاح عن رأيه في الفنانة رحمة أحمد والهجوم الذي تعرضت له في الفترة الماضية، وذلك خلال لقاء له ببرنامج واحد من الناس مع الإعلامي عمرو الليثي.

تحيا مصر يرصد تفاصيل تصريحات حاتم صلاح عن رحمة أحمد

حاتم صلاح ورحمة أحمد

وقال حاتم صلاح: رحمة أنا في الأول اشتغلت معاها في مشروع أمين وشركاه، وكنت بشوف أن هي مش موجود منها كتير في مصر، هي كوميديانة بتعرف تركب إفيهات ومش بس بتلتزم بنص، وفي الوطن العربي مفيش حد يقدر يعمل اللي هي بتعمله.

وتابع: أنا استغربت، الحقيقة هو من قبل رمضان أنا شوفت بوستات، وكنت مستغرب ليه، يعني هي اللي كانوا بيحبوها السنة اللي فاتت، ولكن السنادي فيه حاجة مقدرش أقول هي حملة ولا مش حملة.

الهجوم على رحمة أحمد

واضاف: ابتدت الناس شوية تتأثر باللي بيتقال في أول رمضان عن رحمة، وأنا كلمتها تاني يوم رمضان قولتلها فيه حاجة كدا أنا شايفها فمتتخضيش، فقالتلي والله أنا اتخضيت امبارح بس أنا النهاردة أحسن.

واستكمل: وأنا اتشتمت في بداية الموسم اللي فات من الكبير وكلمت أستاذ أحمد مكي قالي متخافش استنى شوية، فكلمتها قولتلها نفس الموضوع، وهي متستاهلش اللي حصل.

حاتم صلاح يشكر الجمهور وصناع الكبير أوي

وسبق وأن حرص الفنان حاتم صلاح على توجيه رسالة شكر لـ الجمهور وكل القائمين على مسلسل الكبير أوي 7، وذلك من خلال منشور عبر حسابه الشخصي على موقع التواصل الاجتماعي فيسبوك.

حيث نشر صلاح صورة له رفقة النجم أحمد السقا، وعلق عليها قائلًا: لو كنت سرحت ممكن ربنا يكرمني اد ايه عمري ماكنت اتخيل كرمه الكبير.. الحمد لله شكراً أستاذ أحمد الجندي على كل حاجة شكراً أنك وقفتني جنب نجمين أحمد مكي وأحمد السقا كنت بدخلهم السينما واستصعب أوي حلم التمثيل، بس كرم ربنا فوق ما احنا متخيلين والله.

وتابع: ربنا يكرم كل الموهبين.. شكراً فريق الإخراج والتصوير والكتابة والديكور والمونتاج والمزيكا وإن شاء الله الحلقات الجاية أحلى، اللي حبني شكرا من قلبي واللي ماحبنيش حقكوا عليا حاولت أجيب أخري، وشكراً أستاذ أحمد مكي أنك موجود في الدنيا.