مأساة رضا في الشرقية: 17 سنة مع أبويا ومعرفني أنه أخويا وجدتي أنها أمي|فيديو

قصة مفجعة تعرض لها طفل في الشرقية، لم يكمل بعد عامه الثامن عشر، إلا أن حياته سطرت مأساة على يد والده ووالدته، وعاش طوال حياته رفقة جدته وجده من الأب على أنهما والده ووالدته، والكارثة بأن والده كان متواجدا على أنه شقيقه الأكبر.

تعدى عليه جنسيا ودفنه.. إعترافات قاتل طفل دمياط

الرذيلة مقابل الإجهاض.. قصة طبيب أمراض النساء في القاهرة: ابتزاز للسيدات مقابل عدم فضحهن

الطفل رضا.. عاش مع أبوه على أنه أخوه

قصة الطفل رضا شهدتها محافظة الشرقية، وسرد مأساة تعرض لها على مدار 17 سنة منذ ولادته وحتى تم طرده من منزل والده بعد كشفه الحقيقة، وذهابه إلى والدته التي إعترفت به ولكنها طردته قائلة له «أنا أدبحك وأدفنك في مكانك، أنا مش عايزة مشاكل».

وقال الطفل رضا لـ تحيا مصر، قبل 17 عام من الآن تزوج والدي ووالدتي بدون إثبات للزواج كون والدتي كانت بالغة من العمر 13 عام حينها، وبعد ذلك أنجبتني أمي وإنفصلت عن والدي ولم يتم إثباتي بالأوراق، وإنتقلت للعيش مع والدي في منزل جدي وجدتي منذ الصغر.

رضا: فضلت 17 سنة فاكر جدتي هي أمي

وتابع الطفل رضا أنا إسمي رضا أحمد محمد، وأبويا رافض أنه يعترف بيا، وأنا كنت قاعد معاه وأنا فاكره أخويا الكبير، من غير ورق ولا بطاقة ولا شهادة ميلاد، ومروحتش لا مدرسة ولا أي حاجة ولما كنت بروح أكشف كنت بروح من غير ورق.

وأضاف الطفل رضا، جدتي وجدي كانوا مفهمني أنهم أبويا وأمي.. ومن 6 شهور فاتوا كنت بلعب في الشارع مع الجيران وواحد فيهم قالي أنا هطله اقول لأبوك أشرف، قولتله بس أبويا مش أشرف ده أخويا، قالولي لا بيضحكوا عليك وروح إسألهم.

طفل الشرقية: أبويا طردني في الشارع

روحت سألتهم وكانت بالنسبة لي مصيبة.. أستكمل الطفل رضا حديثه قائلا: قولت لجدتي قالتلي أيوة انا جدتك وده جدك، وأبوك هو ده، وقالتلي على كل اللي حصل زمان، وبعدها أبويا طردني قالي أنا أتأكدت أنك مش إبني وأطلع برا من هنا.

وتابع طفل الشرقية قائلا: قولتله أنت مقعدني هنا كل السنين دي ليه، قالي عشان خاطر ربنا بس، أطلع بره، وبعدها نزلت الشارع ومعرفتش أروح فين وإشتغلت منجد وبقيت أنام في المساجد وتحت السلالم، ولما روحت لأمي طردتني هي كمان وقالتلي أنت جاي بعد السنين دي تعملي مشاكل وعايزني أطلق أمشي بدل ما أقطعك وأدفنك هنا مكانك.

وإستطرد طفل الشرقية في حديثه لـ تحيا مصر، أنه يعمل منجد ويتقاضى أجرا 500 جنيه في الإسبوع، ولما حاولت أروح لأمي تاني مسكت السكينة وقالتلي أمشي لأدبحك، خوفت منها ومشيت، وأبويا قال أنه عمل تحليل ليا عن طريق اللعاب ومطلعتش ابنه ولما سألت طلع أن تحليل الـ DNA من الدم والشعر فقط.

أنا بوجه رسالة لأبويا.. وأختتم الطفل رضا حديثه قائلا: أنا مش عايز حاجة منه ولا عايز ورث، أنا عايز ورق أعرف أعيش بيه بس، لأني سألت في كل حتة قالولي لازم ورق، أنا بقول له أتقي الله.