لبنى ونس: عيشت شخصيتي في جعفر العمدة بكل تفاصيلها وحطيت فيها بصمتي

كشفت الفنانة لبنى ونس عن أقرب أدوار الأم التي قدمتها إلى قلبها، وذلك من خلال لقائها اليوم ببرنامج واحد من الناس مع الإعلامي عمرو الليثي.

تحيا مصر يرصد تفاصيل تصريحات لبنى ونس في واحد من الناس

وقالت لبنى ونس: أكتر دور أم حبيته فاطمة في جعفر العمدة لأنها كانت بتجمع ما بين الأم واللي مش أم، لأن هي مبتخلفش فمش حاسة بإحساس الأمومة فلما جالها الطفل حست ونمى جواها إحساس الأمومة، فكان دور مهم جدا بالنسبالي وكان صعب، الدور التاني اللي كان في تحت الوصاية، الأم المصرية البسيطة كان بردو دور مهم بالنسبالي.

لبنى ونس في مسلسل جعفر العمدة

وفي الحلقة ذاتها، تحدثت لبنى ونس عن تفاصيل تجربتها في مسلسل جعفر العمدة، فقالت: اترشحت لدوري في جعفر العمدة من خلال الأستاذ محمد سامي المخرج وروحت الشركة وخدت الدور وعملنا بروفات ترابيزة مع محمد سامي شرحلي مين هي فاطمة وهو عايز ايه من الدور دا.

واضافت: وفي التصوير كان بيقعد معايا عشان أعمل قدامه بروفة عشان يشوف أنا واصلة لفين من اللي هو عايزه، والحاجة اللي أنا كنت بزودها كان لازم أقولها قدامه عشان يوافق وندخل نصور.

واستكملت: أي فنان لازم يحط بصمته من خلال تجاربه ورؤيته، وأنا حطيت شدة الواقعية، الدور كان واقعي جدا، وأنا مكنتش بمثل، أنا كنت فاطمة فعلا وعشت فاطمة بجد بكل المشاعر المتداخلة دي.

تفاصيل مسلسل جعفر العمدة 

مسلسل جعفر العمدة بطولة محمد رمضان، زينة، هالة صدقى، إيمان العاصى، مى كساب، منة فضالى، أحمد داش، منذر رياحنة، عصام السقا، فريدة سيف النصر، جمال حجازى، مجدى بدر، أحمد فهيم، فتوح أحمد سلوى عثمان، فريدة سيف النصر، عماد صفوت، جورى بكر، طارق النهرى، أحمد عبد الله، إحسان الترك وضيف الشرف بيومى فؤاد، ومن تأليف وإخراج محمد سامى، وشارك فى السيناريو والحوار مهاب طارق وإنتاج شركة ميديا هب سعدى – جوهر برعاية المتحدة للخدمات الإعلامية.

تدور الأحداث فى إطار اجتماعى شعبى، حول جعفر العمدة (محمد رمضان) وهو في العقد الرابع من عمره، ولديه 3 زوجات، ويمتلك شركات للمقاولات ويدخل فى العديد من الصراعات سواء فى عمله أو بعيداً عن العمل، ثم يقابل خلال مشواره "عايدة" (زينة) ويتعرف عليها وتنشأ بينهما قصة مليئة بالمفاجآت، كما يعيش جعفر مأساة تستمر عدة سنوات بعد فقدان ابنه واختطافه من قِبل مجهولين، ولا يعرف إذا ما كان حيًا أو أصابه مكروه.