مي كساب عن خلافها على تتر جعفر العمدة: دي حاجات نفسية عندنا كفنانين ومبنعرفش نتخلص منها

تحدثت الفنانة مي كساب عن خلافها على مكان اسمها في تتر مسلسل “جعفر العمدة"، والذي خاضت بطولته مع الفنان محمد رمضان في السباق الرمضاني 2023.

تحيا مصر يرصد في ذلك التقرير تصريحات مي كساب عن تتر مسلسل جعفر العمدة

مي كساب: التتر مش مهم عند الجمهور بس دي حاجة نفسية مبنقدرش نتخطاها

وقالت مي كساب عن خلافها مع التتر: “التتر حاجة لازم تتحل مع الإنتاج قبل ما أدخل العمل، والمشكلة إني كنا كلنا نجوم وكل واحد فينا بنشيل مسلسلات لوحده، بس دي مش مهم عند الجمهور دي حاجات نفسية عندنا احنا مبنقدرش نتخطاها”.

وتابعت: بس أنا نفسي قصير في القتال في الموضوع ده وأما بلاقيه حيطة سد خلاص.

مي كساب: المنافسة في رمضان ليها طعم مختلف ورمضان الجاي مخوفنا كلنا

وتابعت مي كساب: المنافسة في رمضان ليها طعم مختلف وجالي مسلسل تاني بطولتي، ورمضان الجاي حاجة مخوفانا كلنا لأننا جبنا السقف مش عارفة هنروح فينا

وعن سبب احتفائها في عالم الغناء، فقالت: احنا مستنين منتج فنان ياخد الموهبة ويديرها ويعتبرها مشروعه، كل نجاحات المطربين اجتهادات شخصية مفيش شركة بتحتوينا.

مي كساب في فيلم هارلي

جدير بالذكر، أنه يعرض لـ مي كساب خلال الفترة الحالية  في السينمات المصرية فيلم هارلي، الذي تخوض بطولته إلى جانب النجوم محمد رمضان مي عمر، محمود حميده، أحمد داش، إسماعيل فرغلي، حسني شتا، وإنتاج سامر المحضر، وإخراج حمد سمير وتأليف محمد سامي ومحمد سمير مبروك، ومدير تصوير أحمد عبدالقادر، وتدور أحداث الفيلم فى إطار أكشن حول هارلي مهندس الميكانيكا من الخليج مع عائلته لاستكمال دراسته بمصر، ويقوده ذكائه وسرعته إلى العمل مع إحدى العصابات، ويصبح العنصر الأبرز والأقرب إلى زعيم العصابة.

أما عن مسلسل جعفر العمدة فشاركت بطولته إلى جانب محمد رمضان، زينة، هالة صدقى، إيمان العاصى، منة فضالى، أحمد داش، منذر رياحنة، عصام السقا، فريدة سيف النصر، مجدى بدر، أحمد فهيم، ومن اخراج وتأليف محمد سامي وشهد عودة قوية لثنائيته مع محمد رمضان بعد غياب.