مي فاروق: ليه الناس بتقول أم كلثوم خط أحمر ومينفعش حد يغنلها؟

أعربت المطربة مي فاروق عن حبها الشديد للون الغناء القديم، وخصوصًا كوكب الشرق أم كلثوم، وذلك خلال لقائها اليوم ببرنامج حروف الجر مع الإعلامي يوسف الحسيني.

تحيا مصر يرصد تفاصيل تصريحات مي فاروق في حروف الجر

وقالت مي فاروق:أنا بحب اللون القديم من وردة وأم كلثوم وفايزة وناس كتير بيحبوا يسمعوها مني، ولكن للأسف بيجي فئة مختلفة ويقولوا أم كلثوم خط أحمر ومحدش يغني لها ومحدش هيجي زيها؟ ليه يا جماعة؟ ليه من الأساس يتم مقارنتنا بيهم أنا بحبهم وبحب أغانيهم فليه مقدمهاش من جديد.

مي فاروق وأم كلثوم

وتابعت: أم كلثوم نفسها بجلالة قدرها لما بدأت تتعرف غنت للناس اللي سبقتها، وهي كان حظها حلو وولقت دولة كاملة بشعرائها بمؤرخيها بيقفوا جمبها ولكن دلوقتي مفيش زي الكلام دا ولا بنقابله.

وأضافت: أنا بحب أم كلثوم وهفضل أغني ليها، وفيه أجيال مسمعتش الجيل دا لأنهم متولدوش في عصرهم، وفيه شباب حاليا بيسمعوا مني أغنية أم كلثوم اللي كانت بتتقدم في ساعتين خلال 20 دقيقة بشكل مبسط والناس بتتبسط وبيحبوها وبيقولولي أول مرة أسمع الأغنية دي، وطبعا سماع أغنية لمدة ساعتين دلوقتي بمثابة عمر، فأنا بعرف الأطفال والجيل الجديد على أغاني كوكب الشرق.

تطورات حالة مي فاروق الصحية

وسبق وأن كشفت الفنانة مي فاروق آخر تطورات حالتها الصحية بعد خضوعها لعملية جراحية، مطمئنة جمهورها على حالتها الصحية.

نشرت مي فاروق فيديو عبر صفحتها الرسمية بموقع التواصل الاجتماعي فيسبوك قالت فيه : بشكركم من قلبي علي كل الحب و الاهتمام الي وصلني منكم وقت تعبي ، فعلا انا محظوظة بحبكم.

مي فاروق تطلب الدعاء بعد أزمتها الصحية

وتابعت: انا الحمد لله احسن كتير ، كان عندي مشكلة صحية و سكت عليها كتير لغايه ما أضطريت اعمل عملية جراحية وربنا سترها و عدت علي خير .

وعلقت على الفيديو قائلة : مليون شكرا لكل الي دعمني و دعالي في ازمتي الصحية ، بفضل ربنا ثم دعواتكم و حبكم عدت علي خير .. بحبكم جدا .