ضحية البسكويت في البحيرة.. والدة يوسف: روحت لقيته غرقان في دمه وشقيقه: مات في الإسعاف|فيديو

جريمة قتل بشعة شهدتها محافظة البحيرة.. حيث راح طالب يدعى يوسف ضحية غدر لأحد زملائه، بعدما نشبت بينهما مشاجرة عقب إنتهاء الإمتحان في مدرسة أبو حمص الثانوية بسبب البسكويت.

عقوبة كهربا.. قرار عاجل من مجلس الدولة بشأن لجنة الإنضباط

مملوكة للدكتورة عبلة الكحلاوي.. إنقاذ جمعية الباقيات الصالحات في القاهرة من كارثة

تفاصيل مصرع طالب بسبب البسكويت في البحيرة

وسردت والدة يوسف وشقيقه التفاصيل الكاملة للحادث، حيث جلست ترتدي الأسود داخل غرفة صغيرة وإلى جوارها السيدات تتشح بالأسود على رحيل عريس الجنة كما أطلقوا عليه، لتقول والدته «أنا روحت على المستشفى لقيته غرقان في دمه معرفتش أعمل أيه، وهما ساعتين وكان يوسف مات».

وقالت والدة المجني عليه يوسف لـ تحيا مصر: «إحنا من قرية جواد حسني التابعة لمركز أبو حمص في البحيرة، يوسف صحي الصبح عادي زي أي يوم، ولبس هدومه حتى لبس القميص اللي لسه جايبه ونزل راح الإمتحان بتاعه، شوية ولقيت التليفون بتاعي بيرن تعالى إلحقي يوسف مضروب في المستشفى».

والدة طالب البحيرة: روحت لقيته غرقان في دمه

وتضيف الأم المكلومة على إبنها في البحيرة: نزلت جريت على المستشفى روحت لقيته غرقان في دمه، مسكت إيده وقولتله إيه يا يوسف مين اللي عمل كده في إيه، قالي والله يا ماما معملتش حاجة ولا كلمتهم، وكان جسمه فيه طعنات في بطنه ورقبته، وبعدها قالي أنا كنت ماشي باكل بسكويت ومسكوا فيا وبعدين حصل اللي حصل»

وإختتمت والدة يوسف ضحية البسكويت في البحيرة «مشينا من المستشفى في عربية الإسعاف رايحين الإسكندرية، عشان نلحقه وقبل ما نوصل كفر الدوار يوسف مات في عربية الإسعاف، أنا عايزة قصاص ربنا مش عايزة حاجة تاني، القصاص بس ليوسف إبني اللي خدوه غدر، قتلوه وهو بيجهز لفرح بنت عمه».

شقيق ضحية البحيرة: أخويا مالوش في حاجة 

وإلتقط شقيق يوسف أطراف الحديث قائلا: يوسف أخويا كان مركز في شغله ودراسته بس، كان يغيب 15 يوم في الشغل ويرجع نشوفه يومين معانا وبعدين يرجع شغله من غير ما يخرج ولا يعمل حاجة، أنا وهو كنا بنام على سرير واحد، والصبح قبل ما يمشي أول مرة في حياته يقولي عايز حاجة مني أنا نازل قولتله لا يا أخويا تسلم، وبعدين شوفته في الإسعاف وهو بيموت خلاص.

وتابع شقيق يوسف ضحية البسكويت في البحيرة: يوسف أخويا كان بيشتغل عشان يساعد في مصروفات البيت، ويجيب مصروفات علاج أبويا عشان حالته الصحية مكنتش كويسة فكان بيساعد في المصروفات.

أمن البحيرة يكشف تفاصيل مقتل طالب بسبب البسكويت

تلقت الأجهزة الأمنية في البحيرة، إخطارا من شرطة النجدة تضمن مقتل شاب بالغ من العمر 19 عاما على يد زميله في مشاجرة، على الفور إنتقلت الأجهزة الأمنية في البحيرة إلى موقع البلاغ، وتم نقل الجثمان إلى المشرحة تحت تصرف النيابة العامة.

وبالإنتقال والفحص، تبين من تحريات أجهزة أمن البحيرة أن وراء إرتكاب الواقعة شاب يدعى م ه 17 عاما، نشبت بينه وبين المجني عليه مشاجرة قام على أثرها بتسديد طعنة نافذة له أودت بحياته.