زوجة حسن شاكوش: ازاي واحد ضحك على ستات كتير ويضحك عليه من بنت الجيران اللي مربيها على ايده!

تواصل ريم طارق، زوجة مطرب المهرجانات الشعبية حسن شاكوش الهجوم على زوجها من خلال حسابها الرسمي بموقع تبادل الصور والفيديوهات انستجرام.

تحيا مصر يرصد في ذلك التقرير تصريحات ريم طارق عن زوجها حسن شاكوش

ريم طارق توجه رسالة صارمة لـ حسن شاكوش: ياريت تحترم ذكاء جمهورك

وكتبت ريم طارق عبر حسابها بموقع انستجرام من خلال خاصية “ستوري”: “ازاي واحد ضحك على ستات كتيرة من بلدان كتير ووعدهم بالجواز وتيجي ريم بنت الجيران واللي بتقول انك مربيها وكبرت قدام عينيك ومتعرفش انها منفصلة؟ احنا مش أغبياء يااستاذ شاكوش وياريت تحترم ذكاء جمهورك”.

حسن شاكوش: بعتذر لأهلي وبيتي على الاساءة اللي بيتعرضلها وعند قراري مش هتكلم في تفاصيل

وسبق وقال حسن شاكوش بأنه لن يتحدث عن تلك الأزمة، فقال: الحمد الله والشكر ليك يارب علي كل حال الحقيقة الفترة اللي فاتت شاركنا معاكم مشاكل كثيرة مكنش ينفع أننا نشاركها معاكم لأن محدش يعلم شئ طالما محدش شاف حاجة وأنا برضو هفضل عند قراري مش هتكلم في أي تفاصيل حتي مهما سمعت أي تجريح.

وتابع: بس حقيقي كل شخص هيتسأل قدام ربنا عن كلامه بس الحمد الله وأنا حابب اعتذر لكل أهل بيتي وجميع أفراد إدارة أعمالي وكل فرد في فرقتي على الإساءة اللي بيتعرضولها يوميا من خلال السوشيال ميديا وخارج السوشيال ميديا.

حسن شاكوش يتجاهل أزمته: انتظرو شغل جديد الفترة الجاية

واستكمل حسن شاكوش حديثه معلنا عن استعداده لأعمال فنية خلال الفترة المقبلة: وآسف تاني لكل أهل بيت في مصر وبرا مصر على  الإساءة  اللي حصلت على السوشيال ميديا وحابب اشارك معاكم التريند بطريقة كوميدية وفيديو ترفيهي على التيك توك، بدون الاساءة في اي شخص ربنا يعلم أنها حاجة ترفيهيه فقط وربنا يهدي حال الجميع والحمد الله علي كل شئ وانتظروا شغل جديد الفترة اللي جاية دعواتكم.

وفي منشور أخر، كتب: مساء الفل عليكم جميعا يمكن القصه دايما ناقصة والبيوت فيها اسرار واحنا بنخاف علي بنات الناس واتربينا علي كده وحق الرد بيقول ان دي لسة مراتي ميصحش اتكلم عنها حتي لو حصل ايه يمكن اهل بيتي وفريق عملي واقرب الناس ليا أتاذوا من الحوار ده بس بما انها شاركت جمهوري بشئ جارح بالشكل ده كل اللي اقدر اقولوا الحمد الله علي نعمة السكوت والعقل وقت المشكلة الحمد الله علي كل شئ