جريمة في السنتر.. مدرس الإسكندرية ضحية ولي الأمر: الطفل مش عايز يحضر حصة يوم الوقفة|فيديو

قم للمعلم وفه التبجيلا كاد المعلم أن يكون رسولا.. تلك الجملة الشهيرة المعهودة عن كل مدرس، إلا أن الواقعة التي شهدتها مدينة الإسكندرية عروس البحر المتوسط ضربت بالجملة الشهيرة عرض الحائط.

فقد تعدى ولي أمر طالب في مدينة الإسكندرية، على مدرس في مركز تعليمي أثناء تواجده لإعطاء إحدى الحصص الدراسية، وذلك على خلفية مشكلات مع نجله من يوم وقفة عيد الفطر المبارك.

حاطط إيده.. رد فعل مفاجأة لفتاة تحرش بها شاب في الميكروباص؟

خدشت شرفها.. فتاة السلام تركت منزل والدتها بسبب التعذيب والتنمر|التفاصيل الكاملة

التفاصيل الكاملة للتعدي على مدرس الإسكندرية

أنا مش عايز افتكر الوقت ده.. وانا نفسي الوقت ده يتمسح من حياتي.. بهذه الكلمات سرد مدرس الإسكندرية تفاصيل التعدي عليه على يد والد طفل قائلة« بشكر ناس كتير وقفت جنبي من مدرسين وأولياء أمور وطلاب وعرفت قد ايه أنا محبوب منهم».

وقال مدرس الإسكندرية لـ تحيا مصر: يوم الوقفة أنا كان عندي حصة والعيال كطلاب عايزين يتفسحوا طبعا ويخرجوا، وجه إبن المتهم دخلي على الجروب وقالي أنت ليه تعمل حصة يامستر يوم الوقفة، قولتله لو مش عايز تيجي متجيش.

مدرس الإسكندرية يسرد تفاصيل «فتح بطنه»

وتابع مدرس الإسكندرية، الولد كلمني على الخاص قالي معلش يامستر أنت أحرجتني قولتله ميفعش تكلمني كده على الجروب قالي معلش واعتذر وبعدين عملت الحصة والولد محضرش واليوم عدى، وسألت الموجودين أيه يخليكم مش عايزين حصة كشباب طيب البنات عايزة تروح كوافير أو توضب مع أهلها لكن انتم ايه السبب.

وأضاف مدرس الإسكندرية قائلا: يوم الوقفة لقيت والد الطالب ومعاه شخص تاني جايين وقالولي في طفلين ضايقوا إبني، قولتلهم معلش ومين هما وأخدت الطفلين مشتهم وكلمتهم أهلهم وقولتلهم مينفعش كدة، وقولت أراضي الطفل واقوله معلش يامصطفى وخلاص.

مدرس: والد الطفل ضربني بـ سلاح أبيض

وأكمل مدرس الإسكندرية، ملحقتش أعمل حاجة لقيت والد مصطفى بيتصل بيا وشتائم وسب في التليفون، وبعدها تهديد وخليك في السنتر أنا جايلك، وبعدين بلغت الأمن وقفلوا الباب وشوية وسمعت صوت صراخ مرعب بره قولت أخرج أشوف في أيه.

أول ما خرجتمن جوه لقيت المتهم في وشي.. يضيف مدرس الإسكندرية المجني عليه قائلا: لقيته مرة واحدة ماسك في غيده سلاح وضربني بيه في بطني، وبعدها مسك فيا وروحت أنا على المستشفى وعملت عملية وربنا اراد أني أعيش.

وأختتم مدرس الإسكندرية قائلا: أنا عارف ومتأكد أننا في دولة قانون والشرطة هتجيب حقي، والمحكمة هتقوم بدورها، وواثق أن حقي هيرجع، وأنا بحمد ربنا أن الضربة مجتش في عيل من العيال.