مارك بيغفلنا.. خاصية جديدة تثير الجدل بتطبيق فيسبوك: "لو دخلت على صفحة حد هيبعتله طلب صداقة تلقائي"

حالة من الجدل أثيرت في الساعات القليلة الماضية على موقع التواصل الإجتماعي “فيسبوك” وذلك بعد انتشار خاصية غريبة بمجرد دخول شخص على صفحة شخص أخر يرسل له طلب صداقة تلقائي.

تحيا مصر يرصد في ذلك التقرير حقيقة التحديث الجديد للفيسبوك

حقيقة التحديث الجديد لـ الفيسبوك

وتفاعل عدد كبير من رواد السوشيال ميديا مع هذه الخاصية فبعضهم ظن بأنه تحديث جديد في موقع التواصل الإجتماعي فيسبوك، وبدأو في السخرية من هذا الأمر حيث جاءت تعليقاتهم: “مساء الخير في ابديت جديد لما تدخل ع اكونت حد مش عندك بيبعت اد تلقائي ال دخلو ع اكونت احمد من الاستورى كلهم بعتو اد خدو بالكو بقي”.

وكتب الاخر: المهم دلوقتي حد بعتلي ادد ولقتيه حذفه دخلت اشوف مين لقيتني بعتله ادد وروحت حذفته هو دخل يشوف مين بعتله راح بعتلي تاني.

عطل فني في الفيسبوك

وكان قد تقدم عدد من مستخدمي الـ فيسبوك بشكاوي تفيد بحدوث عطل فني في التطبيق خلال الساعات القليلة الماضية منذ يوم أمس الخميس، حيث لم يستطع بعض الأشخاص الدخول على حسابتهم أو تحديث المواضيع المنتشرة على فيسبوك.

ليخرج فيسبوك الأن بخاصية جديدة يتسائل الجمهور حول كونها تحديث جديد أم عطل فني لمدة ساعات فقط، وسخر عدد كبير من رواد السوشيال ميديا من هذا الأمر حيث بعضهم شعر بأنه انتهاك للخصوصية والأخر وضعه تحت مسمى “أبديت لتخريب العلاقات”.

تعليقات الجمهور على خاصية الفيسوك الجديدة

وجاءت تعليقات الجمهور على هذا الأمر: “يعني خلاص مش هعرف أراقبه تاني”، “انت باعت ادد لخالتي ليه يسطا ”، “محدش ينزل got engaged دلوقتي عشان هيلاقي صحابه كلهم باعتين أدد لخطيبته”، “مساء الخير محدش يفتح اكونت حد علشان الفيس بقى يبعت ادد لوحده مجرد ماتفتح”، وغيرها من التعليقات الساخرة.