عنبة: أهل منطقتي شايفني قدوة وكنت بنام على الرصيف عشان أجيب لبس العيد

كشف مطرب المهرجانات عنبة عن تفاصيل دخوله مجال التمثيل والتعاون مع الفنانة يسرا من خلال مسلسل “1000 حمدالله ع السلامة”، مشيرا إلى أن ذلك بسبب دعوة والدته.

تحيا مصر يرصد في ذلك التقرير تصريحات عنبة عن دخوله مجال التمثيل

عنبة: أنا أصيع واحد في اخواتي وأهلي وخديني قدوة

وقال عنبة خلال لقائه بـ “عرب ودد”: “امي كان عندها جلطة قبل ما أمضي المسلسل ده وفرق معاها جدا إني مبسوط، ووأهلي واخواتي كلهم أحسن مني أن يعتبر الصايع بتاع العيلة اللي عايش في الشارع لكن كلهم ناس محترمين”.

وتابع عن رد فعل أسرته على التعاون مع يسرا: “كلهم كانوا فرحانين بالحاجة اللي بوسلها ووشايفني قدوة إن مفيش مستحيل، الراجل اللي كان بيقف يشتغل 12 ساعة وبيشتغل عشان عنده حلم وصحابي كلهم عارفين اني عندي طموح، وكان نفسي امثل وأمي كانت بتدعيلي فربنا استجاب للدعاء ده".

عنبة: كنت ببيع شربات عشان أجيب لبس العيد

واستكمل حديثه كاشفا عن المصاعب الذي واجتهه في الطفولة: كنت عشان أجيب لبس العيد بنزل ابيع شربات وبنام على الرصيف وأنا صايم بس كنت بجيبها بالحلال.

وكشف عن أعماله الفنية المقبل: هنزل 4 تراكات جديدة وفيه أغاني مش هكون أنا فيها خالص.

عنبة: أنا نيتي خير فربنا دايما بيمشيلي الدنيا

وكان قد تحدث عنبة عن مشاركته في مسلسل 1000 حمدالله ع السلامة فقال في لقاء تليفزيوني له: "أنا نيتي خير فربنا دايما بيمشيلي الدنيا والبدايات دايما بتكون خير، وأول كلموني العدل جروب وقالولي انت مرشح لـ مسلسل في رمضان مع يسرا روحت قولت لأمي اني هشتغل مع يسرا قالتلي روح يابني انت مجنون وأول ما يسرا شافتني باستني وقتها وشي احمر أوي وقالولي هناك انها كدة حبتني.. يسرا كان فيها كمية حنان وطاقة ومسهلة الدنيا على الاخر”.

وتابع: أول مشهد عملته كان بيني وبين يسرا والمفروض اني بزعق فيها وهي سابتني ازعق فخدت الجراءة وبقيت أزعق في المسلسل كله.