خاص| بعد اتهامه بتهديده.. هاني محروس يتخذ اجراءات قانونية ضد خالد الفايد

اشتعلت الأزمة بين المنتج هاني محروس والمطرب المعتزل خالد الفايد وذلك بعد اتهام الأخير له بتهديده واستفزازه بعد أن قرر نجم ذا فويس الإعتزال.

تحيا مصر يرصد في ذلك التقرير اتخاذ هاني محروس إجراءات قانونية ضد خالد الفايد

تطورات أزمة خالد الفايد وهاني محروس

وكشف خالد الفايد في تصريح خاص لـ موقع تحيا مصر تطورات الأزمة بينهم، فقال: “هاني محروس أخد اجراءات العقد بينا وماشي في الورق حاليا، وهيكون بينا اجراءات قانوينة”.

أزمة خالد الفايد وهاني محروس

وكان قد استغاث الفايد بسبب هاني محروس، فقال: الدفاع عن النفس واجب وأنا بدافع عن نفسي أنا مش بلبس سلاسل ولا بقا ليا في الكلام ده كله، أنا واحد ساب بيته وساب اهله وساب  حياته كلها علشان يقدر يصلي ويقرب من ربه لكن معرفتش اقرب من ربنا في بلدي اللي هي بلد اسلامية.

واستكمل: وبقت تجيلي تهديدات من هاني محروس وناس من طرفه بتدخل تكلمني يقولولي هاني محروس هيعمل كذا وكذا وكدا وخللي بالك منه وكمان الرساله اللي كان بعتها لاهلي بيقولي القانون بينا،  تمام خلي القانون بينا وأنا هسيب ربي بيني وبينك لو مش في الدنيا هيكون في الأخرة ولا يظلم ربك احدا وحسبي الله ونعم الوكيل.

واختتم خالد الفايد حديثه، قائلا: ليا طلب عندكم اي حد يشوف البوست يشيره علشان صوتي يوصل وحد يتدخل ينقذني من الشخص ده.

وكان قد نفي هاني محروس كل ما قاله الفايد خلال تصريحات صحفية، مشيرا إلى أنه لا علاقة له بـ خالد الفايد وأنه يسمع تلك التصريحات لأول مرة وأنه لا علاقة له بالفايد منذ الإعتزال

خالد الفايد ورؤيته للنبي في المنام

من ناحية أخرى، كان قد أثار خالد الفايد الجدل برؤيته للنبي في المنام، فقال: النبي قال اللي يشوف رؤيه حلوه يقولها للي بيحبه وانا بحبكم.. رأيت النبي صلي الله عليه وسلم في المنام وكنت معه بجوار الصحابه في وقت نزول الوحي عليه اول مره كان بجانبي ابا بكر الصديق وعلي بن ابي طالب وكان في داخل بيته وبجانبي ورقه بن نوفل.