خالد الفايد عن المنتج هاني محروس: لما بطلت غناء شتمني بأفظع الشتايم وهعرض ده قدام الناس

صراع جديدة تشهده مواقع التواصل الإجتماعي وذلك بعد اتهام خالد الفايد نجم ذا فويس كيدز بتعرضه للتهديد من قبل المنتج هاني محروس، متسغيثا بالسوشيال ميديا لانقاذه من هذا الشخص.

تحيا مصر يرصد في ذلك التقرير تصريحات جديدة من خالد الفايد عن المنتج هاني محروس

خالد الفايد عن هاني محروس: بيشتمني بأبشع الألفاظ

ونفس هاني محروس كل ما قاله الفايد خلال تصريحات صحفية، مشيرا إلى أنه لا علاقة له بـ خالد الفايد وأنه يسمع تلك التصريحات لأول مرة، ليرد عليه فايد قائلا: ومشتمتنيش لما بطلت وسبت شركتك ومشيت بأفظع الشتايم والشات معايا وهعرض شتايمك ليا واستفزازك ليا قدام الناس كلها علشان اكشف ليهم كذبك لان الكذب عندك زي اكل الحلاوه ومعلش الشات في شتايم مش كويسه وانا اسف اني هعرضها.

خالد الفايد يستغيث بسبب هاني محروس

وكان قد استغاث الفايد بسبب هاني محروس، فقال: الدفاع عن النفس واجب وأنا بدافع عن نفسي أنا مش بلبس سلاسل ولا بقا ليا في الكلام ده كله، أنا واحد ساب بيته وساب اهله وساب  حياته كلها علشان يقدر يصلي ويقرب من ربه لكن معرفتش اقرب من ربنا في بلدي اللي هي بلد اسلامية

واستكمل: وبقت تجيلي تهديدات من هاني محروس وناس من طرفه بتدخل تكلمني يقولولي هاني محروس هيعمل كذا وكذا وكدا وخللي بالك منه وكمان الرساله اللي كان بعتها لاهلي بيقولي القانون بينا،  تمام خلي القانون بينا وأنا هسيب ربي بيني وبينك لو مش في الدنيا هيكون في الأخرة ولا يظلم ربك احدا وحسبي الله ونعم الوكيل.

واختتم خالد الفايد حديثه، قائلا: ليا طلب عندكم اي حد يشوف البوست يشيره علشان صوتي يوصل وحد يتدخل ينقذني من الشخص ده.

اعتزال خالد الفايد نجم ذا فويس كيدز

وكان قد أعلن مطرب ذا فويس كيدز اعتزاله منذ فترة وذلك عبر حسابه الرسمي بموقع التواصل الإجتماعي “فيسبوك”، حيث كبت: “أرجوكم محدش يقولي غني تاني كفاية بجد مش عايز فلوس ولا شهرة ولا علاقات ولا أي سراب من ده كله”.