البلوجر سارة محمد تكشف أخر تطورات حالتها الصحية: هركب عين صناعية.. والكهربا على مخي خفت شوية

كشفت البلوجر سارة محمد عن تفاصيل أخر تطورات حالتها الصحية، وذلك من خلال منشور عبر حسابها الشخصي على موقع تبادل الصور والفيديوهات إنستجرام.

تحيا مصر يرصد تفاصيل أحدث منشورات البلوجر سارة محمد عبر إنستجرام

أخر تطورات الحالة الصحية للبلوجر سارة محمد

وقالت سارة في مقطع فيديو لها: أنا طالعة اطمنكم عليا، كتير جدا بعتولي أني اختفيت، وحاولت أكون معاكم لايف الفترة اللي فاتت، أنا الحمد لله بخير بس الفترة اللي فاتت كانت صعبة عليا شوية، كنت تعبانة وجالي دور برد في معدتي، كنت على طول تعبانة وبرجع بس الحمد لله اتحسنت.

وتابعت: بالنسبة لدماغي أنا باخد علاج مخ وأعصاب والحمد لله الكهربا مبقتش معايا زي الأول، والجبهة عندي اتحسنت شوية، والفترة اللي جاية هعمل العين الصناعية، وعندي أمل في ربنا أني أرجع أشوف تاني.

تحذير البلوجر سارة محمد

وسبق وأن نشر البلوجر عمر حسين مقطع فيديو لـ البلوجر سارة محمد، تحذر فيه المتابعين من استغلال اسمها في جمع التبرعات لعلاجها، مؤكدة على أنها بكامل قواها العقلية.

وقالت سارة في الفيديو: مش عايزة أي حد يحاول يبعت فلوس لأي رقم لأن أن بيتم استغلالي ماديًا، أنا مش بيوصلي جنيه من حد، أنا مش بطلب تبرعات من حد.

وتابعت: أنا لما احتاج حاجة ويبقى ليا عملية هتنجح فوقتها بس هطلع وأنا هقولكم أنا محتاجة كذا، لكن أنا مش محتاجة أي حاجة ومفيش حاجة بتوصلي، أنا طلعت أقول كدا عشان مينفعش أعرف أن فيه ناس بتستغلكوا ماديا واظلمكم معايا.

دعم وائل كفوري لـ سارة محمد

وعلى صعيد آخر، حرص المطرب اللبناني وائل كفوري على دعم البلوجر سارة محمد بعد إصابتها بالعمى جراء تعرضها لحادث، وذلك وفقا لما نشرته الإعلامية ريهام سعيد عبر حسابها الشخصي على موقع تبادل الصور والفيديوهات إنستجرام.

حيث شاركت ريهام مقطع صوتي لـ وائل كفوري، جاء فيه: مساء الخير سارة حبيت ابعتلك هالفويس أول شي لأطمن عنك، واقولك أنه أنا متابعك، وأنا حدك وصلواتي معك، وبدي أطلب منك تضلي قوية.

وتابه كفوري: وتضلي إيمانك كبير بربنا، وكوني واثقة أن الأيام الجاية مخبيالك الأحلى، واللي عند ربنا مش عند حدا، أنتي قمر، وراح تبقي قمر شكلا ومضمونا، بنحبك.