بعد اشتعال الأزمة بينهم..زوجة حسن شاكوش لتحيا مصر: معنديش حاجة أقولها بعد اللي حصل والقضاء الحاكم بينا

أعربت ريم طارق، زوجة مطرب المهرجانات الشعبية حسن شاكوش عن استيائها من تطورات الأزمة على المواقع الإخبارية ومواقع التواصل الاجتماعي المختلفة، والزج باسمها في قضايا واتهامات عديدة ليس لها أساس من الصحة.

تحيا مصر يرصد في ذلك التقرير اول تعليق من زوجة حسن شاكوش

أول تعليق من زوجة حسن شاكوش بعد اشتعال الأزمة

وقالت زوجة حسن شاكوش في تصريح خاص لموقع تحيا مصر: انا معنديش اي تعليق او اي حاجة أقولها عن اللي حصل ده والاتهامات الموجه ضدي والقضاء الوحيد اللي هيحكم بينا.

وسبق وقالت ريم طارق خلال مداخلة هاتفية مع الإعلامي سيد علي في برنامج حضرة المواطن: "خلافي مع زوجي حسن شاكوش مش المشكلة الأساسية حاليا، المشكلة الأساسية إني تعرضت للتشهير من واحد ملوش أي علاقي بي، ومش عارفة صفته إيه علشان يطلع في التليفزيون، أنا نفسيا مدمرة بسبب الإنسان اللي طلع في التليفزيون، والمذيعة المحترمة اللي استضافته، وهي شاركت في التشهير بي وتشويهي نفسيًا".

أزمة ريم طارق وزوجها حسن شاكوش

من ناحية أخرى كانت قد حررت ريم طارق محضرًا ضد مطرب المهرجانات حسن شاكوش، وذلك داخل قسم شرطة أول أكتوبر، حيث اتهمته بسرقة مشغولاتها الذهبية وطردها من المنزل، وكان بلاغ ورد لضباط مباحث قسم شرطة أول أكتوبر من ربة منزل تتهم زوجها حسن شاكوش المطرب، بالاستيلاء على أموالها وسرقة ذهبها وإيصال أمانة مؤخر الصداق، وعفش الزوجية بعد نشوب خلافات بينهما، وطردها من المنزل وتهديدها بالطلاق.

بينما تقدم حسن شاكوش في البلاغ لضباط مباحث قسم شرطة أول أكتوبر، مشيرا إلى أن زوجته قامت بالاستيلاء على مبلغ مالي وهرب من المنزل، وذلك بعد ما قامت بالكشف عن طردها من منزل حسن شاكوش.

وسبق وقال حسن شاكوش ردا على اتهامات أهل زوجته له: كانوا عاملين ليا أعمال أني أموت.. بس الحمدلله عشان أنا قريب من ربنا محصليش حاجة مش شرط قريب أني بصلي لا انا بقالي كتير مبصليش.

محامية ريم طارق: عيلتها اتدمروا نفسيا

وسبق وناشدت محامية ريم طارق الجمهور بالتوقف عن إلقاء الاتهامات على زوجة حسن شاكوش، موضحة: "انتو بتدمروا العيلة والحالة النفسية بتاعتهم بقت صعبة جدا الكلام بيتنسي واللي بيقدم المحتوي لازم يتأكد من مصدره، متحطوش حد في النص وبلاش سب وقذف لحد ولو فيه حقيقة منحطهاش بردو عشان الناس نفسيتها بتدمر، وأوحش تحرش هو تحرش بالألفاظ.