محامي خادمتي وفاء مكي: الفنانة مذنية وسجنت بتهمة هتك العرض والاحتجاز دون وجه حق والتعذيب

فجر المستشار عصام البنا محامي مساعدتي الفنانة وفاء مكي وهم هنادي ومروة، الذي أشعلت قصة تعذيبهم الساحة الفنية من جديد بسبب خروج الإعلامية ميار الببلاوي للتصريح ببراءة وفاء مكي.

تحيا مصر يرصد في ذلك التقرير تصريحات محامي مساعدتي وفاء مكي عن دليل براءتها

محامي مساعدتي وفاء مكي: اتهمت في هتك العرض والتعذيب

وقال عصام البنا خلال مداخلة عبر zoom مع الإعلامية نانسي مجدي، مقدمة برنامج القاهرة اليوم: "مذنبة وارتكبت الجرم الذي بسببه تم سجنها وهي تهمة هتك العرض والاحتجاز دون وجه حق والتعذيب مكنش نفسي اننا نتتطرق لملف القضية لكن هي اللي اضطرتنا لكدة.

وتابع حديثه، قائلا: تصريحات ميار الببلاوي كلام مرسل والرواية اللي قالتها ليس لها اسا من الصح بدليل ان مروة كان عندها 14 سنة يعني كانت بتتعامل مع طفلة وهنادي كانت اللبيسة بتاعتها، البنت كانت محتجزة أكتر من شهر في الحمام لكن التعذيب في يوم، وقولت قبل كدة الدليل ده ومش هقوله تاني حفاظا على حمرة الخجل وهي عارفة السبب والسبب موجود في ملف القضية.

محامي مساعدتي وفاء مكي يفجر مفاجأة جديدة في القضية

واستكمل البنا حديثه: براءة وفاء مكي وهم وكل اللي قالته ميار الببلاوي ميدخل في اي عقل لأنها اتحاكمت 3 مرات مش مرة واحدة واثبت ادانتها وخرجت تتكلم في القضية تاني بسبب ضيق رزقها لأنها كانت متوقعة انها أما تخرج من السجن هترجع تشتغل تاني.

وكانت ميار الببلاوي قد تراجعت عن تصريحاتها التي قالتها مع ريهام سعيد في أول أمس، حيث كتبت: “اللهم لك الحمد ربنا ظهر الحقيقة من شاهد عيان، وكده أنا كنت بأنب ضميري على الفاضي، سؤال إيه اللى بتعمليه ده يا وفاء، أنا قلت إن في موقف حصل لكن كده أتحسمت كفاية بقى، ملقتيش حد تدوسى عليه غيري وتمثلي البراءة، أوعلشان أنا مش بتاجر بالموضوع ورافضة أتهم بأني بجري ورا تريند، وأفضل ألف معاكم على القنوات والمواقع بالشكل المستفز دا”.

وتابعت: أنا قلت شكوكي وموقف حصل، الحمد لله إنه كان ولا هيقدم ولا يأخر سؤال فين دليل براءتك دا؟، أنا قلت للناس إنه حصل كذا فقط، واللي حصل دا ملوش أي قيمة خالص بعد شهادة الشاهد دا، وبعد مقريت التحقيقات والتقارير قد إيه أنا كنت هبلة.

ميار الببلاوي لـ وفاء مكي: عارفة انك مش مظلومة واتأكدت انك مذنبة

وأضافت: في كل مكان تكذبي وأنتِ عارفة إنك مش مظلومة، وأنا الحمد لله أتاكدت إنك مذنبة، والحكم عين الحقيقة كده لما جولى مكنوش جايين من عندها، وكده المخدمتيه كذابة، شاهد العيان ده ريح قلبي، اخرسي بقى حسبى الله ونعم الوكيل فيكي، لا وليكي عين تكذبي وتقولي إنك بريئة، وقال كمان مش مسمحاني أخس.