خاص| محامية زوجة حسن شاكوش: طردها من البيت من غير لبس وكان بيمد ايده عليها

فجرت محامية ريم طارق، زوجة مطرب المهرجانات الشعبية حسن شاكوش تصريحات جريئة عن واقعة طرد ريم من المنزل وتعدي الفنان عليها بالضرب.

تحيا مصر يرصد في ذلك التقرير تصريحات جديدة من محامية ريم زوجة حسن شاكوش

محامية زوجة حسن شاكوش: طردها من بيتها من غير لبسها

قالت محامية زوجة حسن شاكوش خلال لقائها بـ موقع تحيا مصر: الخلاف اللي حصل بين حسن شاكوش وزوجته زي اي خلاف زوجي هو  طردها من بيتها من غير لبسها والمشكلة بدأت من هنا، وكل الكلام اللي الناس بتقوله غلط سواء خيانة أو غيره وهي مش هتسكت على الناس اللي عمالة تشوه وتألف وتعمل حكايات.

وتابعت حديثها مهاجمة طليقها: واحد ملهوش اي صفة بيتدخل في الموضوع مش عارفة انت متحرض ولا عايز تلهي الناس في المشكلة، ولا عايز تطلع تريند ولا ايه، اي طلعك دلوقتي تتكلم وتشهر بيها، ورد ريم عليه هيكون قضية لوحده وهيتحاسب على كل اللي قاله.

محامية زوجة حسن شاكوش: كان عصبي وبيمد ايده عليها واتعرضت لأذى نفسي بسببه

واستكملت حديثها معربة عن غضبها مما حدث لـ ريم طارق: “55 يوم على الزواج ويحصل في البنت الكبيرة كدة، انتو مش متخيلين الضرر النفسي  الكبير للي وقع عليها، هو عرضها لأذى نفسي وكان ساعات بيبقى عصبي، وحالتها سيئة جدا وعندها ضيق من اللي بيحصل ومكنتش متوقعة التنمر والتشهير اللي حصل عليها وعلى عيلتها، وهي ليها حق في الحاجات اللي اتكتبت ومؤخرها ومنقولتها”.

وأضافت:  أحب يكون في تصالح بين ريم وحسن لكن أشك إن أهلها هيوافقوا وهنطالب بتفريغ الكاميرات وهناخد حقنا منه بالقانون.

محامية ريم زوجة حسن شاكوش للجمهور: انتو بتدمروا العيلة

ووجهت حديثها لـ الجمهور ورواد مواقع التواصل الإجتماعي ووساءل الإعلام: "انت بتدمروا العيلة والحالة النفسية بتاعتهم بقت صعبة جدا الكلام بيتنسي واللي بيقدم المحتوي لازم يتأكد من مصدره، متحطوش حد في النص وبلاش سب وقذف لحد ولو فيه حقيقة منحطهاش بردو عشان الناس نفسيتها بتدمر، وأوحش تحرش هو تحرش بالألفاظ.