طليقة حسن شاكوش لـ زوجته: لساني وحش بس أكبر من اني اخش ف معارك نسائية يأم ساجدة

هاجمت الراقصة سلمى مجدي، طليقة مطرب المهرجانات الشعبية حسن شاكوش زوجة الأخير والتي تدعى ريم طارق، مشيرة إلى أن الأخيرة تقوم بإرسال متابعين لمهاجمتها على السوشيال ميديا.

تحيا مصر يرصد في ذلك التقرير هجوم طليقة حسن شاكوش على زوجته

هجوم طليقة حسن شاكوش على زوجته

وكتبت سلمى مجدي عبر حسابها الرسمي بموقع التواصل الإجتماعي “فيسبوك”: “انا لساني صعب ووحش بلاش تبعتو ناس تكتب كومنت أو تبعتلي رسايل انا كل دا بعلق بهزار وسخريه ع موضوع عام كل الناس بتتكلم فيه لكن أنا مش طرف اصلا واكبر من اني اخش ف معارك نسائية فهمتي يا أم ساجدة”.

طليقة حسن شاكوش: مفيش مقارنة بين وبين حد كل واخد يخليه في وكسته

وردت سلمى مجدي على عدد من تعليقات متابعيها الهجومية، حيث ردت على تعليق إحداهم كتبت فيه: “بلاش تتريقي على واحدة زيها زيك وبلاش كيد العوالم دي، على الأقل هي اتجوزها قدام الناس"، فقالت سلمى مجدي: “ايوه كملي ولسه ع ذمته قدام الناس وبيتكلم ف سيرتها و سمعتها قدام الناس، مفيش مقارنه بيني وبين حد وكيد ايه خلي كل واحد ف وكسته”.

بينما ردت على تعليق أخرى قالت فيه: “كلكم وسط ما يعلم بيه إلا ربنا وانتي رقاصة مش داعية اسلامية”، لترد “مجدي”: “وانتي داخلة أكونت الرقاصة تطوفي ولا ايه ما تروحي تشوفي اتجاه القبلة فين”.

أزمة حسن شاكوش وطليقته

تقدم حسن شاكوش في البلاغ لضباط مباحث قسم شرطة أول أكتوبر، مشيرا إلى أن زوجته قامت بالاستيلاء على مبلغ مالي وهرب من المنزل، وذلك بعد ما قامت بالكشف عن طردها من منزل حسن شاكوش. 

وسبق وقال حسن شاكوش ردا على اتهامات أهل زوجته له: كانوا عاملين ليا أعمال أني أموت.. بس الحمدلله عشان أنا قريب من ربنا محصليش حاجة مش شرط قريب أني بصلي لا انا بقالي كتير مبصليش.

وكانت قد حررت ريم طارق محضرًا ضد مطرب المهرجانات حسن شاكوش، وذلك داخل قسم شرطة أول أكتوبر، حيث اتهمته بسرقة مشغولاتها الذهبية وطردها من المنزل، وكان بلاغ ورد لضباط مباحث قسم شرطة أول أكتوبر من ربة منزل تتهم زوجها حسن شاكوش المطرب، بالاستيلاء على أموالها وسرقة ذهبها وإيصال أمانة مؤخر الصداق، وعفش الزوجية بعد نشوب خلافات بينهما، وطردها من المنزل وتهديدها بالطلاق.