وفاء مكي عن ميار الببلاوي بعد تراجعها عن تصريحاتها: خايفة من بهدلت الناس

خرجت الفنانة وفاء مكي للرد على تراجع الإعلامية ميار الببلاوي عن تصريحاتها بشأن براءتها من قضية تعذيبها للخادمتين، مشيرة إلى أنها شعرت بالخوف من الجمهور.

تحيا مصر يرصد في ذلك التقرير أول تعليق من فاء مكي على تراجع ميار الببلاوي

أول تعليق من وفاء مكي على تراجع ميار الببلاوي

وقالت وفاء مكي خلال لقائها بـ موقع تحيا مصر: “ميار طلعت تغير كلامها لأن الناس بهدلتها وقالوا ازاي بتعمل برنامج ديني وخبت البراءة بتاعة حد 23 سنة، وانها تغير رأيها تاني ده يدينها”.

وتابعت وفاء مكي حديثها: البنات قعدوا 3 سنين في بيتي وشوفت البنت بتهرش في شعرها روحت لدكتور وقالي انها عندها مرض جلدي ولازم تمشيها فمشتها وراحوا لميار وده كلامها.

واستكملت حديثها: والد الخادمتين كان بيتزني اديه شقتي يإما هيأذيني وميهمنيش إلا الجمهور يعرف اني بريئة، وميار انهارت قدامي وقالتلي سامحيني انا متكلمتش عشان ابني وجوزي منعني.

ميار الببلاوي عن وفاء مكي: بتمثلي انك بريئة وأنا كنت بأنب ضمير على الفاضي 

وكانت ميار الببلاوي قد تراجعت عن تصريحاتها التي قالتها مع ريهام سعيد في أول أمس، حيث كتبت: “اللهم لك الحمد ربنا ظهر الحقيقة من شاهد عيان، وكده أنا كنت بأنب ضميري على الفاضي، سؤال إيه اللى بتعمليه ده يا وفاء، أنا قلت إن في موقف حصل لكن كده أتحسمت كفاية بقى، ملقتيش حد تدوسى عليه غيري وتمثلي البراءة، أوعلشان أنا مش بتاجر بالموضوع ورافضة أتهم بأني بجري ورا تريند، وأفضل ألف معاكم على القنوات والمواقع بالشكل المستفز دا”.

وتابعت: أنا قلت شكوكي وموقف حصل، الحمد لله إنه كان ولا هيقدم ولا يأخر سؤال فين دليل براءتك دا؟، أنا قلت للناس إنه حصل كذا فقط، واللي حصل دا ملوش أي قيمة خالص بعد شهادة الشاهد دا، وبعد مقريت التحقيقات والتقارير قد إيه أنا كنت هبلة.

ميار الببلاوي لـ وفاء مكي: عارفة انك مش مظلومة واتأكدت انك مذنبة

وأضافت: في كل مكان تكذبي وأنتِ عارفة إنك مش مظلومة، وأنا الحمد لله أتاكدت إنك مذنبة، والحكم عين الحقيقة كده لما جولى مكنوش جايين من عندها، وكده المخدمتيه كذابة، شاهد العيان ده ريح قلبي، اخرسي بقى حسبى الله ونعم الوكيل فيكي، لا وليكي عين تكذبي وتقولي إنك بريئة، وقال كمان مش مسمحاني أخس.