هي اللي رمت البنت وعذبتها والمحكمة لا غبار عليها.. ميار الببلاوي تهاجم وفاء مكي

خرجت من جديد الفنانة والإعلامية ميار الببلاوي لتهاجم، الفنانة وفاء مكي وتؤكد أنها من قامت بتعذيب الخادمتين وتستحق السجن.

تحيا مصر يرصد هجوم ميار الببلاوي على وفاء مكي.

أبرز تصريحات ميار الببلاوي

وكانت أبرز تصريحاتها كالآتي:

البنت مشيت من عند وفاء خلصانه وهى اللى رمتها وأختها هربت تانى يوم

البنات جولى قبل ميروحوا عندها

أنا لو كنت قولت اللى أنا كنت فاهماه غلط ساعتها كنت  هتحاكم  زى الفنانين اللي اتهموا بالشهادة الزور

طيب ليه الست وفاء مطلبتنيش للشهادة لو محامين وفاء شايفين  أن فى أى ثغره كانت طلبتنى للشهادة

البنات نزلوا من عندى على وفاء مش العكس  يعنى واقعه التعذيب موكدة بعد ماكانوا عندى مش قبل

وبكده  يبقى الست مذنبه والمحكمه والمباحث  والطب الشرعى  لاغبار عليهم

سبحان الله مش حق وفاء اللي رجع حق البنتين الى شافوا قمة العذاب  وربنا يفكهم من رقبتى

 الاستاذه وفاء اللي طالعة تشوه صورتى وتبين انى كتمت شهاده كذابه وبينى وبينها القضاء العادل

ميار الببلاوي تتراجع عن تصريحاتها

وسبق وكتبت ميار الببلاوي عبر حسابها الرسمي بموقع التواصل الاجتماعي فيسبوك: اللهم لك الحمد ربنا ظهر الحقيقة من شاهد عيان، وكده أنا كنت بأنب ضميري على الفاضي، سؤال إيه اللى بتعمليه ده يا وفاء، أنا قلت إن في موقف حصل لكن كده أتحسمت كفاية بقى، ملقتيش حد تدوسى عليه غيري وتمثلي البراءة، أوعلشان أنا مش بتاجر بالموضوع ورافضة أتهم بأني بجري ورا تريند، وأفضل ألف معاكم على القنوات والمواقع بالشكل المستفز دا.

وتابعت: أنا قلت شكوكي وموقف حصل، الحمد لله إنه كان ولا هيقدم ولا يأخر سؤال فين دليل براءتك دا؟، أنا قلت للناس إنه حصل كذا فقط، واللي حصل دا ملوش أي قيمة خالص بعد شهادة الشاهد دا، وبعد مقريت التحقيقات والتقارير قد إيه أنا كنت هبلة. 

قضية وفاء مكي تعود من جديد

وأضافت: في كل مكان تكذبي وأنتِ عارفة إنك مش مظلومة، وأنا الحمد لله أتاكدت إنك مذنبة، والحكم عين الحقيقة كده لما جولى مكنوش جايين من عندها، وكده المخدمتيه كذابة، شاهد العيان ده ريح قلبي، اخرسي بقى حسبى الله ونعم الوكيل فيكي، لا وليكي عين تكذبي وتقولي إنك بريئة، وقال كمان مش مسمحاني أخس.