أنتي كذابة وعارفة أنك مش مظلومة واتاكدت أنك مذنبة.. ميار الببلاوي تنقلب على وفاء مكي

انقلبت الفنانة و الإعلامية ميار الببلاوي على الفنانة وفاء مكي وتراجعت عن تصريحاتها بأنها بريئة مؤكدة على أنها مذنبة.

تحيا مصر يرصد تصريحات ميار الببلاوي عن وفاء مكي.

ميار الببلاوي تنفي براءة وفاء مكي 

وكتبت ميار الببلاوي عبر حسابها الرسمي بموقع التواصل الاجتماعي فيسبوك: اللهم لك الحمد ربنا ظهر الحقيقة من شاهد عيان، وكده أنا كنت بأنب ضميري على الفاضي، سؤال إيه اللى بتعمليه ده يا وفاء، أنا قلت إن في موقف حصل لكن كده أتحسمت كفاية بقى، ملقتيش حد تدوسى عليه غيري وتمثلي البراءة، أوعلشان أنا مش بتاجر بالموضوع ورافضة أتهم بأني بجري ورا تريند، وأفضل ألف معاكم على القنوات والمواقع بالشكل المستفز دا.

ميار الببلاوي تهاجم وفاء مكي 

وتابعت: أنا قلت شكوكي وموقف حصل، الحمد لله إنه كان ولا هيقدم ولا يأخر سؤال فين دليل براءتك دا؟، أنا قلت للناس إنه حصل كذا فقط، واللي حصل دا ملوش أي قيمة خالص بعد شهادة الشاهد دا، وبعد مقريت التحقيقات والتقارير قد إيه أنا كنت هبلة.

وأضافت: في كل مكان تكذبي وأنتِ عارفة إنك مش مظلومة، وأنا الحمد لله أتاكدت إنك مذنبة، والحكم عين الحقيقة كده لما جولى مكنوش جايين من عندها، وكده المخدمتيه كذابة، شاهد العيان ده ريح قلبي، اخرسي بقى حسبى الله ونعم الوكيل فيكي، لا وليكي عين تكذبي وتقولي إنك بريئة، وقال كمان مش مسمحاني أخس.

وقالت وفاء مكي خلال لقائها ببرنامج "الترابيزة" الذي تقدمه الإعلامية أميرة بدر بقناة "هي": "كنت بتنامي إزاي وبتاكلي وتشربي إزاي وأنتِ ظالماني يا ميار الببلاوي، ومعاكِ دليل براءتي وكتمتِ الشهادة".

وأضافت وفاء مكي باكية: "كنت بقول لها أنتي معاكِ دليل براءتي تعالي وقولي كلمة حق، كنت بنادي لك يا ميار وأقول لها تعالي أبوس إيدك تعالي قولي كلمة حق واشهدي واتقي الله وقالت أنا ما كنتش موجودة ولما رجعتِ بعد 6 شهور وعرفتِ إني أخدت 10 سنين سجن ليه ما رُحتيش للنقابة وساعدتيني وبرَّأتيني وساعدتيني أخرج من السجن، على الأقل علشان ضميرك يبقى مرتاح ولحد امبارح طلعت عينيَّ علشان تنطق بالحق".