طليق زوجة حسن شاكوش: أنا وحسن مفيش بينا تواصل وبيحطوا اسمي عشان التريند| خاص

كشف طليق زوجة مطرب المهرجانات الشعبية حسن شاكوش عن حقيقة تصريحات الأخيرة بشأن اتهامها بأنه على تواصل معًا للاساءة بسمعتها.

تحيا مصر يرصد في ذلك التقرير تصريحات طليق زوجة حسن شاكوش 

طليق زوجة حسن شاكوش: بيستغلوا اسمي عشان التريند ومليش علاقة بمشاكلهم

وقال طليق ريم مصطفى في تصريحات خاصة لـ موقع تحيا مصر: “أنا وحسن مفيش بينا تواصل ولا عمرنا اتكلمنا ومليش دخل في المشلكة من البداية وبيستغلوا اسمي عشان التريند”.

وتابع حديثه عن مشكلته مع زوجته: “كانت تعبانة وأما روحنا لدكتور قال مش هتكمل في علاقة زوجية وانفصلنا وخدت كل حقوقها واتفاجأت بجوازها ومفيش بينا تواصل من فترة ولا حد من أهلها بيكلمني”.

زوجة حسن شاكوش: انت عارف اني متجوز من زمان ومقولتش عشان اللي مواعدهم

وكانت قد قالت زوجة حسن شاكوش عبر حسابها الرسمي بموقع تبادل الصور والفيديوهات انستجرام: أنا مصر كلها كانت عارفة إني متجوزة وعارفة ليه انفصلت بس أنت اللي حبيت تداري على الموضوع علشان البنات اللي كنت مواعدها بالجواز وقلت لهم أمي عايزة بنت تكون أول مرة تتجوز.

وتابعت حديثها، قائلة: أنا لحد دلوقتى متكلمتش ولا عبت ولا قولت ايه السبب علشان دی أعراض لكن تروح تتفق مع طليقى يطلع يتكلم وأنت عارف إني رافعة عليه قواضي وماخدتش حقوقی منه لحد دلوقتي فروحت تتفق معاه عيب عليك عيب تجيب واحد أبويا فاتحلو مشروع ومعايا كل وصولات الأمانة ومع كذلك محبستوش وأنا قبل ما اتجوزك عملت كل تحاليل التثبت دا فا شغل رخيص اوووي يا حسن بتتحاما في واحد عبيط، زي ده.

والد ريم طارق يكشف تفاصيل خلاف ابنته وحسن شاكوش

وكان قد كشف والد ريم طارق عن اسباب الخلاف بين ابنته وحسن شاكوش، فقال: ”اللي حصل اختلاف في وجهات النظر بنتي مرتحتش فقررنا إننا نخرج بالمعروق والمشكلة بقالها شهرين والحمدلله انه ظهر على حقيقته قريب".

وتابع والد ريم طارق، زوجة حسن شاكوش حديثه: حسن خد كل حاجتها، أنا مقولتش أنه كان معاها 10 كيلو الماظ استولى عليهم لا ده الذهب العادي بتاعها وحقها الشرعي كله اللي احنا كاتبينه على الورق".