ميار الببلاوي عن قضية وفاء مكي: متكلمتش عشان خوفت على ابني والبنات كانوا قرود وأبوهم اللي حرقهم

حلت الإعلامية ميار الببلاوي ضيفة على برنامج “صبايا الشمس”، الذي تقدمه الإعلامية ريهام سعيد عبر شاشة قناة الشمس، وذلك للحديث عن براءة وفاء مكي من واقعة تعذيب الخادمتين.

تحيا مصر يرصد في ذلك التقرير تصريحات ميار الببلاوي عن قضية وفاء مكي

وقالت ميار الببلاوي: “مفيش مرة دخلت فيها العمليات كنت بدعي ربنا إني أقول كلمة الحق وبعدها اللي يحصل يحصل، كنت فاكرة إن الكلام بتاعي مش هيعمل حاجة وصراع بإنه هيعمل بقالي 23 سنة تعبانة”.

ميار الببلاوي: الخادمتين كانوا عندي وكانوا زي القرود

وتابعت حديثها كاشفة عن تفاصيل القصة من البداية: "أنا أما اتجوزت مكنتش شاطرة في البيت وجوزي كان عايز يكون كل حاجة بالظبط وأنا كنت خايبة جدا فكان لازم شغالين وكان فيه واحدة بتجيب بنات تشتغل عندنا وتاخد عمولتها وجابتلي البنتين دول وواحدة فيهم لقيتهم قرعة وأما سألت قالولي دول اللي كانوا عند وفاء مكي وأما سألتهم وفاء اللي حلقلهم كدة قالتلي لا دي عندها قراع انجليزي ووفاء حلقتلها شعرها وكانوا واقفين زي القرود ومفهمش حاجة خالص بس محلوق شعرها لكن أنا رفضت وجودهم في البيت، لكن اتفاجأت بالصور وقضية وفاء مكي وكلمت واحد زميل صحفي وقولتله الحقيقة لكن هو منعني.

ميار الببلاوي: أبو البنات كان بيحرقهم وهما نايمين

وأضافت خلال تصريحاتها لـ ريهام سعيد: “رجل أعمال كبير ادى فلوس لـ أهل البنات اللي كانوا شغالين عند وفاء مكي عشان يتهموها بتعذيبهم، واتفجأت أما عرفت أبو البنت كان بيديها منوم عشان يحرقها وإن أهل بلدهم مكنوش بيتكلموا عشان خايفين”.

واختتمت حديثها، قائلة: لو قادرة أروح لابنها أقوله ان وفاء مكي معلمتش هروح اقول لكن ابنها مش هيصدق عشان شايف كل الناس بتقول عن مامته كدة.

وفاء مكي بعد براءتها: متتهموش حد وتظلموه الا اما تتأكدوا

ووجهت وفاء مكي للجمهور خلال تصريحها بموقع تحيا مصر: تاني مرة يجماعة متتهموش حد وتظلموه إلا أما تتأكدوا لأن الظلم وحش، وخاصة رواد السوشيال ميديا، اتقوا الله.. أما نزلت الاستغاثة عشان مش لاقية شغل كانوا بيشتموا فيا.. اتفضلوا دليل براءتي طلع بعد 23 سنة.. ضميركم فين اللي شتم وسب فيا هيروح من ربنا فين.. عشان يعمل نسبة مشاهدة