فيديو| بعد 23 سنة.. وفاء مكي تكشف دليل براءتها من واقعة تعذيب الخادمتين

فجرت الفنانة وفاء مكي تصريحات جريئة في قصة تعذيبها للخادمتين التي سجنت بسببهم ما يقرب من 3 سنوات، مشيرة إلى أن الإعلامية ميار الببلاوي أظهرت براءتها.

تحيا مصر يرصد في ذلك التقرير تصريحات جديدة لـ وفاء مكي بشأن تعذيب الخادمات

وفاء مكي: اتظلمت 23 سنة وربنا نصفني في الأخر

وقالت وفاء مكي خلال لقائها مع موقع تحيا مصر: “اتظلمت 23 سنة لكن ربنا في الاخر بينصفني، كنت دايما بقول للناس متظلمونيش ومتلغطوش في حقي عشان ربنا العادل هيظهر الحقيقة يوما ما، أنا خسرت شغلي واتعرضت لأذى نفسي كبير”.

وتابعت وفاء مكي حديثها، كاشفة عن دليل براءتها: “الخادمتين كان عندهم مرض جلدي وكانوا قرع وأكيد مكنتش هسيبهم لحد ما أقرع انا كمان وأعدى الوسط الفني كله أنا كنت ست فنانة وأما طردهم راحوا لـ ميار الببلاوي”.

وفاء مكي تكشف دليل براءتها بعد 23 سنة 

وأضافت: “بعد ما طردهم الخادمتين كانوا عايزين يبتزونوا وياخدوا كل ما أملك وكل حجاتي وباباهم بيستغل مرضهم عشان يبتز الناس”.

واختتمت حديثها، قائلة: تاني مرة يجماعة متتهموش حد وتظلموه إلا أما تتأكدوا لأن الظلم وحش، وخاصة رواد السوشيال ميديا، اتقوا الله.. أما نزلت الاستغاثة عشان مش لاقية شغل كانوا بيشتموا فيا.. اتفضلوا دليل براءتي طلع بعد 23 سنة.. ضميركم فين اللي شتم وسب فيا هيروح من ربنا فين.. عشان يعمل نسبة مشاهدة؟

وفاء مكي واستغاثتها

وسبق وخرجت وفاء مكي مستغيثه بسبب قلة عملها: أنا عايزة اشتغل بالحلال وأكل لقمة عيش بالحلال، وأنا أقدر اعمل الأدوار اللي تناسب سني في الوقت الحالي، ابني بيكون عايزياكل ومش عارفه اجبله اكل وبيقولي يا ماما عايز أكل وبقوله مش معايا فلوس ولما يجي فلوس هجيبلك اللي أنت عايزه.

واستكملت: أنا مش عارفة الغلط فين وانا بناشد نقابتي وكل مسئول ارحموني انا مش بطلب حاجه غلط من حد، أنا بطلب اني أقف اشتغل  بعزة نفسي انا مش لاقيه حد ومفيش حد قالي  حصل ايه ولا حد كلمني من زمايلي ولا حد كلمني من النقابة.