هند عاكف تناشد أشرف زكي: بطالبه يقف جمب وفاء مكي لأن براءتها هتوضح حاجات كتير

ناشدت الفنانة هند عاكف نقيب المهن التمثيلية أشرف زكي بالوقوف بجانب الفنانة وفاء مكي لإثبات براءتها.

تحيا مصر يرصد مطالبة هند عاكف، أشرف زكي بالوقوف جانب وفاء مكي.

هند عاكف توجه رسالة للفنان أشرف زكي

وقالت هند عاكف: بطالب دكتور أشرف زكي أنه يقف بجانب وفاء مكي لأنها فنانة ونقابية ومسئولة من حضرتك يا دكتور أشرف.

تصريحات هند عاكف

وتابعت خلال تصريحات تليفزيونية: براءتها هتوضح حاجات كتيرة جدًا للفنانين وهي فنانة ومحسوبة على حضرتك وهي إنسانة قبل أي حاجة، وعايزين نعمل مؤتمر لـ وفاء في النقابة للصحفيين عشان الرأي العام لازم يعرف براءتها، وياريت نعمل إعادة إجراءات عشان برأتها تطلع قضائيًا كمان.

وقالت هند عاكف في تصريحات خاصة لموقع تحيا مصر: سبب ابتعادي كتير عن السينما أن أنا رفضت أدوار الأغراء، من بداية حياتي الفنية، واتعرض عليا كتير جدا، زي فيلم زوجة محرمة بتاع النجمة سهير رمزي، بس مقدرتش أعمل الدور لأنه كان فيه مايوهات ومشاهد ساخنة أنا مش هعرف أعملها.

وتابعت: فيه ناس من الزملا تعرف تعملها، بس أنا مش هعرف، ومليش علاقة دا عيب ولا مش عيب، بس أنا مبحبش أعمل دا وفيه نجمات بتعمل دا كويس جدا، ونجمات محترمة جدا وهما حرين، والفن وجهة نظر، وأنا مقدرش أحكم على زميلة.

اتجاه هند عاكف للسياسة

واستطردت: أنا ابتعدت 10 سنين عن الفن لأني اتجهت لمجال السياسة وخدمة البلد، فالبتالي أخدت إجازة من المجال الفني، وخوضت تجارب كتير في العمل السياسي والمجتمع المدني.

وأردفت: وبعد كدا حبيت أرجع للفن تاني وإلى الآن لم يعرض عليا دور مناسب.. وأنا مش مستعجلة ومش متضايقة ومنتظرة الدور المناسب والمخرج اللي ممكن يخرج من هند عاكف حاجات متعرفش أن هي عندها، وإحساسي أن الجاي أفضل وهعمل أعمال فنية تليق بجمهوري وتاريخي الفني.