حطتلي حاجة عشان معرفش أعمل.. زوج في الفيوم: مراتي صورت العلاقة في أوضة النوم|فيديو

قصة مأساوية تعرض لها زوج من محافظة الفيوم.. حيث سرد قصته مع زوجته وقيامها بتصويره داخل غرفة النوم أثناء العلاقة الزوجية، ووضعها له عقاقير في الشاي والطعام جعلته غير قادرا على إتمام العلاقة الزوجية معها.

هاتوا جثته أحرقها.. الإعدام شنقا لـ قاتل 7 من أسرته في الاسكندرية

إبني كاتب لصاحبه أنه عايزني.. التفاصيل الكاملة لـ فيديو البلوجر هبة السيد

مأساة زوج: بتحط لي برشام هلاوس في الشاي

وسرد أحمد رجب من محافظة الفيوم قصته قائلا: «أنا متجوز مراتي من 12 سنة، ومكنش فيهم أي مشاكل ومخلفين أطفال، لكن من سنة و4 شهور تقريبا ليلة ماتش مصر والسنغال الدنيا كلها قامت ومقعدتش، كنت راجع البيت بعد شغل 25 يوم وفي اليوم ده كانت المصيبة اللي حصلت لي مع مراتي».

وقال أحمد رجب: من سنة و4 شهور تقريبا، كنت بشتغل في محافظة تانية لمدة 25 يوم وفي اليوم اللي أنا راجع فيه أتصلت بمراتي وقولتلها جهزي الأكل أنا جاي، وقالتلي أنها عاملة حمام وبط وقولتلها طيب جهزي الحمام عشان أنتي عارفة إني مريض، وطلعت وقفتني 10 دقايق على باب الشقة وأنا بره مش فاهم وعايز أدخل الحمام».

زوج في الفيوم: صورتني في العلاقة الزوجية معاها

وتابع أحمد من الفيوم في قصته «دخلت الشقة لقيت أفعالها مستفزة وباردة، وحسيت أنها قاصدة ده قومت مزعق فيها وقولتلها إنتي مش عارفة إني عايز أدخل الحمام، سيباني ليه على الباب واتأخرتي في إنك تفتحي الباب، وكان ردها بكل برود، إتخانقت معاها وزعقت لها وسيبتها ودخلت الأوضة وقولتلها إتعشى إنتي والعيال».

بعد ما دخلت الأوضة بنتي جت لي.. يكمل أحمد رجب من الفيوم قصته قائلا: دخلت جوه بنتي جت قولتلها خدي دي حلويات جايبها ليكي انتي وأخواتك، وجابت لي الأكل وبعدين نمت، والصبح كانت بداية الكارثة، صحيت من النوم لقيت مراتي لابس لبس النوم «قميص نوم» وفاتحة البلكونة وبترزع في الباب جامد وأنا بفتح عيني من النور والصوت.

زوج: بعد 12 سنة جواز حصلت الكارثة

ويضيف أحمد رجب: قولتلها إنتي إزاي تطلعي البلكونة بالمنظر ده وباللبس ده، وفي الوقت ده وأنا بزعق معاها لقيتها جريت نامت على السرير قولت يمكن بتدلع وعايزة حقوقها الشرعية عشان بقالي فترة غايب عن البيت، وجيت أعمل العلاقة الزوجية معاها لقيت نفسي مش عارف، وده كان من أول ما صحيت وأنا حاسس إني مش طبيعي».

ويكمل رجب: كنت حاسس إن في خلل في كل جسمي وتصرفاتي وأفعالي حتى كنت بشوف حاجات مش واقعية، وبعدين إتخانقنا سوا وإكتشفت إنها كانت بتصور الخناقة بتاعت بالليل، وكمان بتصور العلاقة الصبح عشان تثبت إني مش عارف أعمل العلاقة الزوجية، لكن لو أنا مش عارف أمال جبنا أولادنا إزاي».