هند عاكف: دليل براءة وفاء مكي مع ميار الببلاوي

وضعت الفنانة هند عاكف، الإعلامية والفنانة ميار الببلاوي في مواجهة مع الرأي العام بعدما كشقت عن وجود دليل براءة وفاء مكي معها خلال مداخلة هاتفية بأحد البرامج التليفزيونية.

تحيا مصر يرصد تصريحات هند عاكف.

براءة وفاء مكي بسبب ميار الببلاوي 

وقالت هند عاكف: ميار كلمتني نفسيتها منهارة وعايزة تخلص ضميرها وبتقولي أنها معاها جواب هو دليل براءة وفاء مكي.

سبب ابتعاد هند عاكف عن السينما 

من جانبه، قالت هند عاكف في تصريحات خاصة لموقع تحيا مصر: سبب ابتعادي كتير عن السينما أن أنا رفضت أدوار الأغراء، من بداية حياتي الفنية، واتعرض عليا كتير جدا، زي فيلم زوجة محرمة بتاع النجمة سهير رمزي، بس مقدرتش أعمل الدور لأنه كان فيه مايوهات ومشاهد ساخنة أنا مش هعرف أعملها.

تصريحات هند عاكف 

وتابعت: فيه ناس من الزملا تعرف تعملها، بس أنا مش هعرف، ومليش علاقة دا عيب ولا مش عيب، بس أنا مبحبش أعمل دا وفيه نجمات بتعمل دا كويس جدا، ونجمات محترمة جدا وهما حرين، والفن وجهة نظر، وأنا مقدرش أحكم على زميلة.

كشفت هند عاكف لـ تحيا مصر عن السبب وراء ابتعادها عن المجال الفني في الفترة الأخيرة، وقالت: أنا ابتعدت 10 سنين عن الفن لأني اتجهت لمجال السياسة وخدمة البلد، فالبتالي أخدت إجازة من المجال الفني، وخوضت تجارب كتير في العمل السياسي والمجتمع المدني.

وتابعت: وبعد كدا حبيت أرجع للفن تاني وإلى الآن لم يعرض عليا دور مناسب.. وأنا مش مستعجلة ومش متضايقة ومنتظرة الدور المناسب والمخرج اللي ممكن يخرج من هند عاكف حاجات متعرفش أن هي عندها، وإحساسي أن الجاي أفضل وهعمل أعمال فنية تليق بجمهوري وتاريخي الفني.