سمية الخشاب: اي شخص بيبرر التحرش أو التعدي خنزير ومتجوزوش بناتكم إلا اما تتأكدوا من ميوله

انفعلت الفنانة سمية الخشاب بعد واقعة قتل عروس طنطا بعد ليلة زفافها بسبب منع نفسها عن زوجها، مشيرة إلى أن أي شخص يبرر التحرش أو القتل أو التعدي مريض نفسيا وارهابي.

تحيا مصر يرصد في ذلك التقرير تعليق سمية الخشاب على واقعة عروس طنطا

وكتبت سمية الخشاب عبر حسابها الرسمي بموقع التدوينات القصيرة “تويتر”: دافع فيكي" أدت لـ "حقي الشرعي" أدت لـ "للقتل" اقعدوا قولوا فيمنست بقي ربنا ياخدكوا ونرتاح، بتبرروا القتل بالدين اللي الكفره عارفينه اكتر منكم.

سمية الخشاب: البنت زي الولد بالظبط من حقها ترفض اي حاجة مش عايزاها

وتابعت سمية الخشاب حديثها، قائلة: البنت زي الولد بالظبط، ولا اي حاجه تقدر تمنع البنت من انها ترفض اي حاجه هي مش عايزاها، مش عاجبك وعايز تستعبدها بالقرشين اللي اتجوزتها بيهم متتجوزش احسن لك، وياريت متجوزوش بناتكم الا لما تكشفوا علي العريس نفسيا وتتاكدوا من ميوله بقدر المستطاع عشان متتصدمش يوم "الحق الشرعي".

سمية الخشاب: أي حد يبرر التحرش خنزير وملهوش مكان في المجتمع

وأضافت: اي شخص يبرر التحرش او القتل او التعدي علي اي بني ادمه سواء مراته او اخته او حتي عدوته ايا كان السبب يستحق لقب "خنزير" بجداره وملهوش مكان في المجتمع، لا هو ولا اي ارهابي بيأيده، نقطه علي السطر يا مجتمع الجاهليه.
 

أخر أعمال سمية الخشاب

جدير بالذكر، أنه عرض لـ سمية الخشاب في موسم الرياض السعودي مسرحية “كازينو بديعة”، إلى جانب النجوم أحمد فتحي و ادوارد وعلاء مرسي إنجي وجدان، ، إيمي طلعت زكريا، علاء زينهم ،استعراضات عاطف عوض، وهي من تأليف أحمد الإبياري وإخراج طارق الأبياري.

وأعربت سمية الخشاب عن سعادتها بهذا العمل، فقالت: أنا سعيدة إني ضمن هذه المنظمة، واشتقت للمسرح ورد الفعل الفوري من الجمهور أمامي، والمسرح أصعب أنواع الفنون وأرقاها، وسعيدة بالعودة له مع المؤلف أحمد الإبياري.