بعد هجوم ياسمين عز.. رضوى الشربني: بحب الست اللي بتتصرف بأصول ورقى مش عبدة ومملوكة

خرجت الإعلامية رضوى الشربيني للرد على هجوم الإعلامية ياسمين عز عليها بطريقة غير لائقة تحمل تطاول وانتقادات لاذعة، وذلك بطريقة غير مباشرة عبر حسابها بموقع “فيسبوك”.

تحيا مصر يرصد في ذلك التقرير تعليق الإعلامية رضوى الشربيني على هجوم ياسمين عز

رضوى الشربيني: بحب الست اللي اتربت على الأصول وعندها فن الرد

وقالت رضوى الشربيني عبر حسابها الرسمي بموقع التواصل الإجتماعي “فيسبوك”: “بحب أوى الست اللي اتربت على الأصول والرقي في التعامل و عندها فن الرد… ‏الست اللي ليها كيان و كرامة تتحدث بشكل لائق و لا تتصرف او تتكلم كعبدة او مملوكة… ‏الست اللي بتقف جنب اي حد مظلوم…من غير ما يفرق معاها اي حد”.

ياسمين عز تهاجم رضوى الشربيني

وكانت قد هاجمت ياسمين عز رضوى الشربيني، فكتب: ويحك يا دعسوقة.. كرامة إيه يا أم كرامة بلاستيك اطرافها مطاط، تمط وتنكمش حسب المصلحة والظروف المحيطة، مدام بليز كرامتك وقعت منك اخر مرة هناك، ابعتي عبد مظلوم من عندك يجيبها قبل ما تسيح فالشمس، واحكيلنا بالمرة قواعد بيات المراة الأربعون برة بيت الزوج من غير اذنه.

وتابعت حديثها، قائلة: "سلينا كدة في الإجازة لإنك شطبتي محتوى  وبقيتي مملة، حتى في تلقيحك مملة زيرو محتوي زيرو أنوثة، بس الأمانة استرجال ليڤل الوحش، ده أنا مش بس أدوس ععلى الفساتين الماركات  دة أنا ادوس على اي حد علشان خاطر الفرعون الصغير الكبير بعمل دة فالحياة العادية وبقوله في العلن، انما بقي لما يكون في خرابة بيوت بتبوس الجذم فالسر وتعمل فيلم مظلوم وتطلع في العلن تحكيلنا مأساة المرأة الاغريقية.

ياسمين عز لـ رضوى الشربيني: روحي اتعالجي يا مدام عشان في شياط وغيرة مني

واختتمت حديثها، قائلة كدة انتي محتاجة علاج يا مدام روحي اتعالجي يا مدام  في تشوهات نفسية وشياط وغيرة ويأس بدأ يتجلى ويتفشى ويترعرع في الأنحاء، وبلاش نشغل أسطوانة المراة الحديدية علشان  المرأة  نفسها لو عرفت انتي إيه هيجيلها صدمة دماغية حضارية، بقولك يا كابتن جربي حطي اسمي تاني في تلميحات أو تلقيحات علشان هنتفرج كلنا وقتها أنا هدوس على ايه تاني غير الماركات، واهو بالمرة نحكي الحكايات، ونسلي الناس في الإجازات.