دانا حمدان: مرفوض بالنسبالي الزواج من رجل متزوج.. وتجربتي مع التحرش مأثرتش على قرار عدم زواجي

كشفت الفنانة دانا حمدان عن موقفها من الزواج، ومدى تأثير تجربتها مع التحرش على قرار عدم زواجها، وذلك خلال لقاء لها ببرنامج الستات، مع الإعلامية سهير جودة، عبر شاشة تلفزيون قناة النهار.

تحيا مصر يرصد تفاصيل تصريحات دانا حمدان في برنامج الستات

دانا حمدان وقرار الزواج

وقالت دانا حمدان: فيه رجالة كانت عايزة تتجوزني بس بيجوا في أوقات مش مناسبة ليا، يعني بمعنى عايش في بلد بعيد، مثلا أنا في مصر وهو يبقى في أمريكا.. ممكن مثلا يبقى رجل متزوج ودا بالنسبالي مرفوض تماما، أو ممكن يكون كويس بس مش بيحب الكلاب.

وتابعت: وتجربة التحرش حادثة ممكن يتعرض ليها أي شخص، ولغاية دلوقتي بفتكرها كأنها حصلت امبارح، أنا كان عندي 14 سنة ورايحة عند دكتور صديق للعيلة، وعمري ما هنساها وأثرها عمره ما هيروح، لكن مش هقدر أقول أن حدوثها خلاني أخد موقف من الجواز.

تصريحات دانا حمدان عن حياتها العاطفية

وسبق وأن كشفت الفنانة دانا حمدان عن تفاصيل حياتها العاطفية، وذلك خلال لقاءها اليوم ببرنامج "كلمة أخيرة" الذي تقدمه الإعلامية لميس الحديدي ويذاع على شاشة تلفزيون قناة "أون".

حيث قالت دانا حمدان: "ماحبتش والناس بتسألني ليه مش بحب ؟ وإجابتي أني مش بحب ولا حبيت فأنا إنسانة برجي الميزان اللي بيحكم مواليده أكتر من العواطف".

وتابعت: "مافيش شخص قابلته وصلني لمرحلة الحب ممكن يبقى فيه تعود وإنبساط وكميا لكنها كل حتة بتبقى لوحدها لكن مقابلتش اللي يوصلني لحالة أن اقول له بحبك".

سن دانا حمدان

كما كشفت الفنانة دانا حمدان أنها الأخت الكبرى بين أخواتها، مؤكدة على أنها لا تخجل من الإفصاح عن عمرها، حيث قالت دانا: أنا أكبر من إخواتي بكتير، ومش بتضايق لما بقول سني، لأني طلعت على السوشيال ميديا وقولت أنا عندي كام سنة، كل الناس عارفة، أنا عندي 46 سنة، وميس بعديا.

وفي الحلقة ذاتها كشفت الفنانة ميس حمدان عن تفاصيل علاقتها مع إخواتها، حيث قالت: مفيش بيننا حتة الاحترام، بس الشبشب مش بيترفع، واحنا صغيرين كنا بنضرب بعض.