بعد واقعة مصورتي جنازة مصطفى درويش.. مجدي ابراهيم: متفصلوش واللي مش حابب تصوير في جنازة يعلن وإحنا هنحترم قراره

كشف مجدي ابراهيم، رئيس شعبة المصورين بنقابة الصحفيين حقيقة فصل مصورتي جنازة مصطفى درويش، والذي ظهروا في صورة تداولها رواد السوشيال ميديا وهم يبتسمون ابتسامة بريئة غير متعمدة خلال تغطية الجنازة.

تحيا مصر يرصد في ذلك التقرير تصريحات مجدي ابراهيم عن فصل مصورتي جنازة مصطفى درويش

نقابة الصحفيين عن فصل مصورتي جنازة مصطفى درويش: لم يصدر قرار رسمي

وقال مجدي ابراهيم خلال مداخلة هاتفية مع الإعلامية عزة مصطفى ببرنامج "صالة التحرير" المذاع عبر قناة صدى البلد: “قرار فصل المصورتين لم يكتب بشكل رسمي ولم يعلن بشكل رسمي لكن و إحساس داخلي من الأماكن اللي شغالين فيها هما مينفعش يكملوا معانا بعد اللي حصل لكنهم متفصلوش”.

وتابع حديثه كاشفًا عن إمكانية أسر الفنانين منع تواجد الصحفيين في الجنازة فقال: “لو أسرة الفنان مش عايزة تغطية إعلامية تعلن ده رسميًا وإحنا هنحترم قرارها واللي مش هيحترم ده يستحمل اللي هيجراله”.

عزاء مصطفى درويش

وأقيم منذ قليل عزاء الفنان مصطفى درويش وذلك في مسجد الشرطة، حيث حرص على حضوره عدد كبير من نجوم الوسط الفني منهم مصطفى شعبان وأحمد زاهر وابنتيه ليلى وملك، أحمد داود وزوجته علا رشدي والفنان أحمد السقا والفنان كمال أبو رية والفنانة مادلين طبر والفنان ماجد المصري والفنانة هنادي مهنا والفنان أشرف زكي، ووائل عبد العزيز وصلاح عبد الله ولقاء الخميسي وكارولين عزمي والإعلامية سهير جودة، والإعلامي توفيق عكاشة، والفنان صلاح عبد الله وغيرهم من نجوم الفن.

ريهام حجاج تثير الجدل حول مصطفى درويش

وكانت قد كشفت ريهام حجاج عن تعرض مصطفى درويش للظلم والمحاربة في أخر أيامه، فقالت: مصطفى درويش من أكتر الناس إللي اتحاربت و ياما اتكتب عليه واتقال كلام كتير يهدم أي حد، مصطفى درويش كتير أستكتروا عليه رزقه إللي ربنا كان باعتهوله وكعادة بعض الناس إللي شايفين إنهم لازم يقرروا مين يستحق الرزق ومين لاء شايلين من دماغهم إن ربنا بس إللي بيرزق، مصطفى اتكلم معايا في الموضوع دا لما قابلته مرة بعد دوره في بميت وش وكان حقيقي متأثر، يا ريت تفهموا إن ربنا دايما ليه حكمة في كل حاجة وأهو مصطفى ربنا أفتكره و هو لسة صغير.

واختتم حديثها: يا ريت تبطلوا تجرحوا في الناس وهما وانتم لسه عايشين عشان مش حاتقدر تتحمل وقفتك أدام إللي حرجته وهو مختصمك أدام ربنا، مافيش حاجة في الدنيا مستاهلة.