اوامر الجن.. زوجة علي تصرخ: جوزي راح قربان عشان الآثار في السلام|فيديو

جريمة مأساوية وبشعة شهدتها مدينة السلام.. وبالتحديد داخل أحد العقارات، حيث دفع هوس البحث عن الآثار الفرعونية ثلاثة أشخاص إلى دفن شخص في حفرة أثناء التنقيب عن الآثار والبحث عنه مع أهليته بعد بلاغ زوجته بتغيبه.

تحت الأوسطي.. فتاة تلقى طفلها بالحرام خوفا من الفضيحة في الجيزة

كنز الـ 25 مليون.. الداخلية تكشف لغز غرفة الملايين السرية في الجيزة

تفاصيل مصرع شخص داخل حفرة آثار

«نفسي أشوفك أوي ياعلي.. وحشتني أوي ياعلي بقالي 40 يوم مشوفتكش».. بهذه الكلمات سردت زوجة المجني عليه تفاصيل ما حدث لزوجها خلال شهر رمضان، قائلة: علي خرج من 40 يوم ومرجعش لحد النهاردة، واللي عرفته أنه أتقتل عشان يتقدم قربان للجن ويفتحوا بـ جثته مقبرة آثرية.

وقالت زوجة المجني عليه لـ تحيا مصر، علي خرج في شهر رمضان ومرجعش وبدأنا ندور عليه في كل مكان، وجه زوج أخته وبدأنا البحث عنه في كل الأماكن، وخلال البحث كان أحد ملاك المحلات ويدعى رجب يسأل عنه دائما بصورة ملحوظة، مشيرة «كان كل شوية يقول عملتوا ايه طيب وصلتوا لأيه، وعشان اللي بيعمل حاجة بيبان عليه كان باين عليه من كلامه، وفضل يبعدنا عن المنطقة ويقول شوفوا في قسم السلام وباقي الأقسام والمستشفيات».

زوجة ضحية السلام: دفنوه عشان أوامر الجن

وتابعت زوجة المجني عليه بمدينة السلام، «جبنا تفريغ الكاميرات وشوفنا علي ماشي مع واحد من الجيران إسمه عمرو، وجوز أخت علي الله يرحمه راح لـ رجب المحل وقاله الأخير قاله تعالى نشوفه على الجبل ليكون حد قتله هناك، ولما راحوا جوز أخت علي قاله أنا عرفت الموضوع وعرفت علي فين، ووراه صورة علي مع عمرو».

وأضافت زوجة المجني عليه ضحية الآثار في السلام: رجب راح قال لـ جمال أخو عمرو أننا شوفنا صورته مع علي في الكاميرات، وجمال جه وأتكلم مع زوج أخت علي وقاله الموضوع معايا أنا وعارف كل حاجة، وهحكيلك والبقاء لله الأول قاله في مين قاله علي توفي، ومسكوا في بعض وبعدين قعدوا قاله علي راح معانا في مصلحة آثار ياكل لقمة عيش بدل ما يلم حاجات من الشارع، وعلي وقع في الحفرة ولما عمروا حاول يطلعه رجب قاله لو طلعته هنيمك جنبه، واللي كان جاي لـ علي هيروح لـ عياله بردو مروحناش بعيد».

زوجة المجني عليه في السلام: أنا عايزه حق جوزي

وأكملت زوجة المجني عليه قائلة «بعدها أتقبض على رجب وعمرو وجمال أخوه، وحتى الآن لم يتم استخراج جثة زوجي، وأنا مش عارفة هما قتلوه ازاي انا عايزة حقه وعايزة الجثة ادفنها بس، وأخد منهم حقي وحق عيالي بعد ما قتلوا جوزي ويتموا العيال، وكله عشان شيخ قالهم رصد المقبرة عايز دم طاهر ومسلم عشان المقبرة تتفتح».